परिचारिका निवड यादी रद्द

महानगरपालिकेने 28 मार्च 2क्11 रोजी जाहीर केलेली परिचारिका व परिचारिका प्रसाविकांची निवड यादी रद्द झाली आहे.

नागपूर : महानगरपालिकेने 28 मार्च 2क्11 रोजी जाहीर केलेली परिचारिका व परिचारिका प्रसाविकांची निवड यादी रद्द झाली आहे. निवड यादी रद्द करण्याच्या पत्रविरुद्ध 35 परिचारिका व परिचारिका प्रसाविकांनी मुंबई उच्च न्यायालयाच्या नागपूर खंडपीठात रिट याचिका दाखल केली होती. न्यायमूर्तीद्वय वासंती नाईक व चंद्रकांत भडंग यांनी गुरुवारी याचिका फेटाळून लावली.

अतिरिक्त आरोग्य संचालकांनी केंद्रीय कुटुंब नियोजन कार्यक्रमांतर्गत महानगरपालिकेच्या 15 नागरी आरोग्य केंद्रांना पुनर्जीवित करण्यास मान्यता दिली होती. त्यासाठी परिचारिकांच्या 16 व परिचारिका प्रसाविकांच्या 6क् अशा एकूण 76 पदांसाठी जाहिरात देण्यात आली होती. त्या वेळी या नियुक्त्या करण्याचे अधिकार मनपाच्या जनरल बॉडीला होते. जनरल बॉडीद्वारे नियुक्त निवड समितीने उमेदवारांच्या मुलाखती घेऊन 28 मार्च 2क्11 रोजी अंतिम निवड यादी जाहीर केली. यानंतर कायद्यात दुरुस्ती झाली. त्यात जनरल बॉडीचे अधिकार मनपा आयुक्तांना देण्यात आले. यामुळे आयुक्तांनी शासनाला पत्र लिहून निवड यादी रद्द करण्याची सूचना केली. शासनाने कायदा दुरुस्ती निवड यादीनंतर झाल्याचे कारण देऊन ही सूचना फेटाळून लावली. यानंतर मनपाने 16 फेब्रुवारी 2क्13 रोजी संबंधित उमेदवारांना त्यांची निवड झाल्याचे पत्र पाठवले. त्यापुढे एक वर्षार्पयत काहीच कारवाई झाली नाही. यामुळे आयुक्तांनी 12 मार्च 2क्14 रोजी शासनाला पत्र पाठवून एक वर्षानंतर निवड यादी रद्द होत असल्याचे कळविले. परिणामी 35 परिचारिका व परिचारिका प्रसाविकांनी उच्च न्यायालयात धाव घेतली होती. मनपा आयुक्तांचे पत्र रद्द करून निवड यादीनुसार नियुक्त्या करण्याची त्यांची विनंती होती.  (प्रतिक्रिया)