म्हसवड : पत्नीसोबत घटस्फोट मिळत नाही म्हणून माण तालुक्यातील कुकुडवाड येथे मुंबईच्या जावयाने सासूसह पत्नीवर चाकूने सपासप पाच वार केले. यामध्ये सासू रंजना भोसले (वय ५५) या जागीच मृत्यू पावल्या तर पत्नीही गंभीर जखमी झाली. ही खळबळजनक घटना गुरुवारी रात्री घडली. हत्या केल्यांनतर आरोपी गावाच्या परिसरातच निवांतपणे भटकत राहिला.
याच दरम्यान आबासो याने सासू रंजना भोसले यांच्यासह पत्नी वैशालीवरही चाकूने सपासप वार केले. जबडा, मान, छाती अन् पोट या ठिकाणी जखमा झाल्याने सासू जागीच मृत्यू पावली. तर पत्नी वैशालीही गंभीर जखमी झाली.
यावेळी त्यांना वाचविण्यास आलेल्या पूनम भोसले या भावजयीलाही त्याने ढकलून दिले. त्यानंतर तेथून तो पळून गेला. तसेच हत्या केल्यांनतर तो गावाच्या परिसरातच निवांतपणे भटकत राहिला.या घटनेची माहिती मिळताच म्हसवड पोलिसांनी आरोपी आबासो काटकर याला गावच्या रस्त्यावर तत्काळ अटक केली. म्हसवड पोलीस ठाण्यात पूनम भोसले या भावजयने त्याच्याविरोधात गुन्हा दाखल केला आहे. दरम्यान, म्हसवड येथील खासगी रुग्णालयात तिच्यावर उपचार सुरू आहेत.