वृत्तपत्र विक्रेता कुटुंबीय स्रेहमेळावा उत्साहात

अनोख्या उपक्रमाचे विक्रेत्यांकडून स्वागत : महिलांना भेटवस्तूचे वाटप

सांगली : सांगली जिल्हा वृत्तपत्र विक्रेता एजंट असोसिएशनच्यावतीने आयोजित वृत्तपत्र विक्रेता कुटुंबीय स्रेहमेळावा उत्साहात झाला. तिळगूळ वाटप, हळदी-कुंकू व महिलांना आकर्षक भेटवस्तूंचे वाटप यावेळी करण्यात आले. यानिमित्ताने वृत्तपत्र विक्रेत्यांचे ऐकमेकांशी कौटुंबिक नाते अधिक घट्ट झाले. वृत्तपत्र विक्रेत्यांच्या कुटुंबातील सर्वच घटक या निमित्ताने ऐकमेकांशी जोडले गेले.येथील वृत्तपत्र विक्रेता भवनमध्ये वृत्तपत्र विक्रेता कुटुंबियांचा स्रेहमेळावा, महिलांना हळदी-कुंकू व भेटवस्तूंचे वाटप असा कार्यक्रम घेण्यात आला. सांगली, मिरज आणि कुपवाड शहर वृत्तपत्र विक्रेता संघटनेचे अध्यक्ष सचिन चोपडे यांनी स्वागत केले. संघटक तथा राज्य संघटना संचालक विकास सूर्यवंशी यांनी प्रास्ताविक केले. आपल्या व्यवसायामुळे कुटुंबाला वेळ न देणारे विक्रेते कुटुंबासह या कार्यक्रमात सहभागी व्हावेत, महिलांनाही वेगळ्या कार्यक्रमाचा अनुभव लुटता यावा, महिला वर्गाची ऐकमेकांशी ओळख व्हावी, हे हेतू यामधून साध्य करण्यात येत असल्याचे यावेळी सूर्यवंशी यांनी स्पष्ट केले.
आपली मुले उच्चशिक्षित व सुसंस्कृत व्हावीत, यासाठी महिला, भगिनींनी दक्ष रहावे. वृत्तपत्रांमधील विविध सदरे, साप्ताहिके, मासिके अशा सहज उपलब्ध होणाऱ्या माध्यमांमधील माहिती आत्मसात करून मुले व कुटंबाच्या प्रगतीसाठी हातभार लावावा. मुलांच्यादृष्टीने चांगल्या असणाऱ्या टीव्ही सिरिअल आवर्जून पहाव्यात, असे आवाहन स्मिता गाडेकर यांनी यावेळी केले. रूपाली रासनकर, सुजाता कट्याप्पा, उषा नलवडे यांनी मनोगत व्यक्त केले. ज्येष्ठ वृत्तपत्र विक्रेते प्रकाश उन्हाळे यांच्या अध्यक्षतेखाली व सुरेश चौगुले यांच्या प्रमुख उपस्थितीत हा कार्यक्रम झाला.
ज्येष्ठ वृत्तपत्र विक्रेत्या विमल काळोखे यांच्यासह वासंती सूर्यवंशी, त्रिवेणी चोपडे, अश्विनी माळी, प्रियांका बंडगर, अश्विनी नवलाई, माधुरी कोरे, अपर्णा रोडे, साधना घोरपडे, पद्मिनी भोसले यांच्याहस्ते महिलांना हळदी-कुंकू, तिळगूळ व भेटवस्तू देण्यात आल्या. महिलांनी ऐकमेकांना तिळगूळ वाटप करीत ओळख करून घेतली. कार्यक्रमाचे सूत्रसंचालन गीतांजली आसगावकर यांनी केले. कार्यक्रमास अन्नपूर्णा वसगडेकर, सुजाता कट्याप्पा, स्रेहल पांढरे, अश्विनी गायकवाड, शिल्पा आष्टेकर, योगेश्वरी जाधव, मेघा देसाई, अरुणा कटगी, स्मिता गाडेकर, मनीषा काकडे, विद्या हवालदार, सुजाता शिंंदे, रंजना उन्हाळे, सविता दुधाळ, सौ. जमशेट्टी, आशा सूर्यवंशी, सुनीता साळुंखे, यास्मिन मुजावर, रोहिणी चौगुले, जयश्री गवळी, प्रियांका हवालदार या महिलांसह वृत्तपत्र विक्रेते व त्यांचे कुटुंबीय मोठ्या संख्येने उपस्थित होते. (प्रतिनिंधी)