नवी मुंबई: नवी मुंबईतील करावे गावाजवळ एका मद्यधुंद कार चालकाने भरधाव वेगात अनेक वाहनांना धडक देऊन भीषण अपघात घडवला. विशेष म्हणजे, ज्या कारने हा अपघात केला त्यावर ‘पोलिस’ अशी नेमप्लेट असल्याने आणि कारमध्ये मुंबई पोलिसांच्या वरिष्ठ अधिकाऱ्याचे ओळखपत्र सापडल्याने पोलीस दलात मोठी खळबळ उडाली आहे.
मिळालेल्या माहितीनुसार, करावे गावाजवळ एक इनोव्हा कार सुसाट वेगाने येत होती. चालकाचे नियंत्रण सुटल्याने या कारने रस्त्याच्या कडेला उभ्या असलेल्या आणि रस्त्यावरून धावत असलेल्या वाहनांना जोरदार धडक दिली. या धडकेत गाड्यांचा अक्षरशः चक्काचूर झाला आहे. सुदैवाने, या भीषण अपघातात कोणतीही जीवितहानी झाली नाही, परंतु वाहनांचे प्रचंड नुकसान झाले आहे.
कारमध्ये सापडले वरिष्ठ पोलीस निरीक्षकाचे आयडी कार्ड अपघातानंतर स्थानिक नागरिकांनी कारची पाहणी केली असता, कारवर 'पोलिस' अशी पाटी होती. तसेच कारच्या आत मुंबई पोलिसांचे वरिष्ठ पोलीस निरीक्षक अरुण बबन पोखरकर यांचे ओळखपत्र सापडले आहे. प्रत्यक्षदर्शींच्या दाव्यानुसार, कार चालक प्रचंड नशेत होता आणि त्याच अवस्थेत तो गाडी चालवत होता.
तपास सुरूघटनेची माहिती मिळताच स्थानिक पोलिसांनी तातडीने घटनास्थळी धाव घेत परिस्थिती नियंत्रणात आणली. ही कार नेमकी कोणाची आहे आणि अपघाताच्या वेळी चालक कोण होता, याचा शोध पोलीस घेत आहेत. वरिष्ठ पोलीस अधिकाऱ्याचे ओळखपत्र सापडल्याने या प्रकरणाला आता गंभीर वळण मिळाले असून, दोषींवर काय कारवाई होते की प्रकरण दाबले जाते याकडे सर्वांचे लक्ष लागले आहे.
Web Summary : A drunk driver in a car marked 'Police' caused a major accident near Navi Mumbai, colliding with multiple vehicles. An ID of a senior Mumbai police inspector was found inside. Police are investigating the incident.
Web Summary : नवी मुंबई के पास 'पुलिस' लिखी एक कार के नशे में धुत्त ड्राइवर ने कई वाहनों को टक्कर मार दी। कार में मुंबई पुलिस के एक वरिष्ठ निरीक्षक का आईडी मिला। पुलिस मामले की जांच कर रही है।