Sanjay raut Sudhakar Badgujar: नैऋत्य मोसमी वाऱ्यांबरोबरच राज्यात महापालिका निवडणुकीचे वारे वाहू लागले आहे. राजकीय पक्षांनी महापालिका ताब्यात घेण्यासाठी मोर्चेबांधणी सुरू केली असून, दुसरीकडे पक्षांतराच्या हालचालीही सुरू झाल्या आहेत. अशातच उद्धव ठाकरे यांच्या शिवसेनेचे नाशिकमधील महत्त्वाचे नेते सुधाकर बडगुजर यांचे नाव सध्या चर्चेत आले आहे. त्याच कारण म्हणजे अचानक त्यांची पक्षातून करण्यात आलेली हकालपट्टी! उद्धव ठाकरेंच्या शि्वसेनेतून हकालपट्टी झाल्यानंतर एक स्क्रीनशॉट व्हायरल होत आहे. यात खासदार संजय राऊत आणि सुधाकर बडगुजर यांच्यातील संवाद आहे.
'लोकमत'चं WhatsApp चॅनल फॉलो करा!
ठाकरेंच्या शिवसेनेचे उपनेते सुधाकर बडगुजर यांनी मु्ख्यमंत्री देवेंद्र फडणवीस यांची भेट घेतली होती. त्यानंतर त्यांची पक्षातून हकालपट्टी करण्यात आली. त्यातच त्यांनी गिरीश महाजन यांच्यासोबत फोटोही काढला आणि मुद्दा अधिक चिघळल्याचे दिसले. त्यातून त्यांच्यावर हकालपट्टीची कारवाई करण्यात आली.
संजय राऊत, सुधाकर बडगुजर यांच्यातील संवाद व्हायरल
नाशिकचे महानगरप्रमुख विलास शिंदे यांच्या कन्येच्या विवाह सोहळ्यात भाजप नेते गिरीश महाजन यांच्या समवेत फोटो काढून भेट घेतल्याने खासदार संजय राऊत यांनी बडगुजर यांच्यावर तीव्र नाराजी व्यक्त केली. या संदर्भातील दोघांचे व्हाटस्अॅप चॅटिंग सोशल मीडियावर व्हायरल झाले.
वाचा >>काल पक्षावर बोलले, आज काढून टाकले; संजय राऊतांचा एक फोन अन् सुधाकर बडगुजर यांची हकालपट्टी
बाळासाहेब ठाकरे यांची शिवसेना जमीनदोस्त करण्याची भाषा करणाऱ्या गिरीश महाजन यांच्या समवेत फोटो काढतात, असे राऊत यांनी म्हटले असून त्यावर बडगुजर यांनी उद्धवसेनेचेच खासदार अरविंद सावंतही स्टेजवर होते, असे उत्तर बुधवारी दिले आहे. या चॅटिंगची बुडगुजर यांनी पुष्टी केली आहे.
सुधाकर बडगुजर यांच्यासाठी भाजप उघडले दरवाजे
ठाकरेंच्या शिवसेनेने पक्षातून बाहेर काढलेल्या सुधाकर बडगुजर यांच्यासाठी भाजपने दरवाजे खुले केले आहेत. सुधाकर बडगुजर यांच्या भाजप प्रवेशाबाबत गिरी महाजन लक्ष घातल आहेत. पक्ष वाढीसाठी सर्वांना दारे खुली आहेत, असे विधान भाजपचे प्रदेशाध्यक्ष चंद्रशेखर बावनकुळे यांनी गुरुवारी (५ जून) नाशिकमध्ये बोलताना केले.