छत्रपती संभाजीनगर / जळगाव / नांदेड : आगामी लोकसभा निवडणुकीपूर्वी भाजपच्या केंद्रीय नेतृत्वाचे महाराष्ट्रातील दौरे वाढले आहे. त्या अनुषंगाने पंतप्रधान नरेंद्र मोदी आणि गृहमंत्री अमित शाह हे दोन्ही दिग्गज नेते साेमवारी एकाच दिवशी राज्यात येणार आहेत.
पंतप्रधान मोदी सोमवारी नांदेडमार्गे तेलंगणातील अदिलाबादच्या सभेला जाणार आहे. दुसरीकडे केंद्रीय गृहमंत्री अमित शाह यांची मंगळवारी छत्रपती संभाजीनगर आणि जळगाव येथे सभा होणार आहे.
अकोल्यात घेणार आढावाविदर्भातील ६ लोकसभा मतदारसंघांचा आढावा घेण्यासाठी गृहमंत्री अमित शाह मंगळवारी अकोल्यात पदाधिकाऱ्यांची बैठक घेतील. बैठक आटोपून ते जळगावच्या सभेसाठी रवाना होतील. सायंकाळी ६ वाजता छत्रपती संभाजीनगरला त्यांची सभा होणार आहे.