एमएचसीईटी परीक्षा ५ मे रोजीच होणार - विनोद तावडे

मुंबई,दि.२९ -  सर्वोच्च न्यायालयाने मेडिकल प्रवेश परिक्षेसाठी ‘नीट’ परीक्षा घेण्यास सांगितले आहे.मात्र राज्‍यात येत्‍या ५ मे रोजी एमएचसीईटी परीक्षा नियोजित वेळापत्रकानुसारच घेण्यात येणार असून महाराष्‍ट्रातील विद्यार्‍थ्‍यांनी ही परीक्षा दयावी असे आवाहन शिक्षणमंत्री विनोद तावडे यांनी केले आहे.सर्वोच्च न्यायालयाच्या निकालाविरोधात राज्‍य सरकार फेरविचार याचिका दाखल करणार असल्‍याचेही ते म्‍हणाले.

महाराष्‍ट्रात एसएससी,सीबीएसई,आयसीएसई असे विविध अभ्‍यासक्रम आहेत.ग्रामीण महाराष्‍ट्रातील तसेच गरिब घरातील विदयार्थी एसएससी बोर्डाचेच शिक्षण घेतात.अशा विद्यार्‍थ्‍यांना तयारीला वेळ मिळणार नाही.सर्वोच्च न्यायालयात हे प्रकरण ज्‍या संस्‍थांनी नेले त्‍यांचा प्रमुख आक्षेप हा सरकारी व खासगी कॉलेजांत होणा-या वेगवेगळया प्रवेश परिक्षांना होता.महाराष्‍ट्रात मात्र याआधीपासूनच सरकारी व खासगी वैद्यकिय महाविद्यालयांतील प्रवेशासाठी एकच प्रवेश परीक्षा घेण्यात येते.हे मुददे फेरविचार याचिकेत मांडण्यात येणार आहेत.राज्‍य सरकारचे दोन अधिकारी दिल्‍लीत पोहोचले असून राज्‍याचे सर्वोच्च न्यायालयात प्रतिनिधितव करणारे वकिल यांच्याशी ते चर्चा करणार आहेत.तसेच फेरविचार याचिकेसाठी विशेष वकिल देखील नेमण्यात येणार असल्‍याचेही विनोद तावडे यांनी सांगितले.

यामुळे ५ मे रोजी मेडिकल प्रवेशासाठी होणारी एमएचसीईटी परीक्षा विद्यार्‍थ्‍यांनी द्यावी असे आवाहनही विनोद तावडे यांनी केले आहे.