महाराष्ट्रातील सर्वात मोठा अन् मानाचा पुरस्कार सोहळा म्हणजे 'लोकमत महाराष्ट्रीयन ऑफ द इयर' अवॉर्ड्स. लोकसेवा/समाजसेवा, कृषी, शिक्षण, क्रीडा, प्रशासन, वैद्यकीय, उद्योग, स्टार्ट अप या क्षेत्रात उल्लेखनीय कार्य करणाऱ्यांना दरवर्षी या पुरस्कारानं गौरवण्यात येतं. यावर्षी या पुरस्कारासाठीची नामांकनं नुकतीच जाहीर करण्यात आली आहेत. त्यात, वैद्यकीय/उर्वरित महाराष्ट्र या कॅटेगरीसाठीची नामांकनं अशी....
डॉ. अश्विन पोरवाल (कोलोरेक्टल सर्जन, हिलिंग हँडस - पुणे)- १७ वर्षांपासून हिलिंग हँड हॉस्पिटलच्या माध्यमातून रुग्णांची सेवा. ४० हजारांहून अधिक रुग्णांवर मूळव्याधासंबंधित समस्येवर यशस्वी उपचार. अतिशय गुंतागुंतीच्या भगंदरासाठी जगातून रुग्ण येतात.- २००९ साली भारतातील पहिली STARR शस्त्रक्रिया. एम आर आय डीफॅकोग्राफी ही डायग्नोस्टिक टेस्ट पुण्यात त्यांनी केली. STARR व Stapler शस्त्रक्रिया संपूर्ण आशिया खंडात दर महिन्याला सर्वाधिक प्रमाणात डॉ. पोरवाल यांच्या नावे.- भारतात प्रथमच पेल्विक ऑर्गन प्रोलॅप्स सस्पेन्शन सर्जरी (पी ओ पी एस) वैद्यकीय क्षेत्रातील योगदानासाठी दादासाहेब फाळके पुरस्कार, जैन इंटरनॅशनल ट्रेड असोसिएशन,- नवीन शोध व तंत्रज्ञान :- डॉ पोरवाल यांचे डिलपीएल टेक्निक जे अतिशय गुंतागुंतीच्या फिस्तुलासाठी त्यांनी हे नवीन तंत्रज्ञान विकसित केले आहे. यांच्या नावावर अनेक पेटंट.
डॉ. पराग कुमठेकर (सर्जिकल ऑन्कॉलॉजिस्ट -कुमठेकर रुग्णालय, सोलापूर)- १३ वर्षापासून कार्यरत असून सोलापूर येथील विविध रुग्णालयांत ते शस्त्रक्रिया करत आहेत.- ३५०० पेक्षा अधिक स्तन कर्करोगांवर यशस्वी शस्त्रक्रिया. स्तनाच्या मूळ आकाराला धक्का न लावता उपचार करण्यावर अधिक भर.- कर्नाटक, तेलंगणा आणि आंध प्रदेशातील शेकडो पेशंटवर उपचार.- स्तन आणि गर्भाशयाच्या कॅन्सरवर संशोधन करीत आहे.- एमबीबीएस - शासकीय वैद्यकीय महाविद्यालय, सोलापूर. एम एस -जे जे रुग्णालय, एम सी एच - टाटा रुग्णालय.
डॉ. प्रमोद गिरी (न्यूरो सर्जन, शासकीय वैद्यकीय महाविद्यालय व सुपर स्पेशालिटी हॉस्पिटल, नागपूर)- न्यूरो सर्जरी विभागप्रमुख म्हणून कार्यरत.- मेंदूशी निगडित तब्बल ३३ हजार शस्त्रक्रिया, यामधील यात १७ हजार कॅनियल, ११ हजार स्पाइन व पाच हजार पेडियाट्रिक शस्त्रक्रियांचा समावेश.- वैद्यकीय क्षेत्रातील योगदानासाठी राष्ट्रपती द्रौपदी मुर्मू यांच्या उपस्थितीत गौरव. • महाविद्यालयातील प्रसिद्ध अशा ओव्हल गार्डनच्या कायापालटासाठी पुढाकार.- कुटुंब उदध्वस्त करणारे रस्ते अपघात, त्यातील तरुणांचे बळी रोखण्यासाठी जनजागृतीचे विशेष अभियान.- शालेय अभ्यासक्रमात जनजागृतीचा धड़ा समावेश करण्यासाठी विशेष प्रयत्न सुरु आहेत.
डॉ. सचिन खत्री (डेंटिस्ट - शासकीय दंत महाविद्यालय, नागपूर)- विभागप्रमुख, सामाजिक देतशास्त्र विभाग येथे कार्यरत. गडचिरोलीत २३ हजार मुलांच्या मुखाची तपासणी केली, यामधील ३ हजार ४८७ (१५ टक्के) मुलांमध्ये मुख पूर्व कर्करोगाची लक्षणे दिसून आल्याने त्यांच्यावर रुग्णालयात उपचार.- ८१२ मुलांवर शस्त्रक्रिया तर २ हजार ६०० विद्यार्थ्यांवर औषधोपचार करण्यात आले. तंबाखू व्यसनाबाबत जवळपास ३० हजार विद्यार्थ्यांना प्रबोधन केले आहे.- आरोग्य आणि कुटुंब कल्याण मंत्रालयाने २०२४ मध्ये 'जागतिक मौखिक आरोग्य दिन उत्सव'साठी पहिले आणि जागतिक तंबाखू विरोधी दिन उत्सवसाठी पहिल्या पारितोषिकाने सन्मानित.- आरोग्य विज्ञान विद्यापीठाच्या 'ब्लॉसम' उपक्रमांतर्गत विदर्भातील ८ हजार आदिवासींचा अभ्यास करण्यात आला, त्यामध्ये संशोधक म्हणून काम पाहिले.
डॉ. उत्क्रांत कुर्लेकर (जनरल सर्जन -दीनानाथ मंगेशकर हॉस्पिटल, पुणे)- दीनानाथ मंगेशकर हॉस्पिटल येथे सल्लागार सर्जन आणि ऑन्कोसर्जन म्हणून कार्यरत.- ३३ वर्षे जनरल सर्जन म्हणून काम करताना २५०० रुग्णांवर कॅन्सर शस्त्रक्रियासुद्धा केल्या.- एक हजारापेक्षा जास्त रुग्णांवर वजन कमी करण्यासाठी लागणारी बॅरियाट्रिक सर्जरी केली आहे.- २४ वर्षे पोस्ट ग्रॅज्युएट विद्यार्थ्यांना मार्गदर्शन करीत आहे.- आरोग्य जनजागृतीसाठी ७५ पेक्षा अधिक हाफ मॅरेथॉन आणि १४ फुल मॅरेथॉनमध्ये सहभाग. अमेरिका येथील ड्युक्स विद्यापीठातून बॅरियाट्रिक सर्जरीचे प्रशिक्षण,
ज्यांना नामांकने मिळाली आहेत, त्यांना विजयी करण्यासाठी पुढील लिंकवर क्लिक करा : https://lmoty.lokmat.com/