साहित्य संमेलनाध्यक्ष निवडणूक अटळ

भारत सासणो यांच्यानंतर आता संत नामदेव अध्यासनाचे (पुणो विद्यापीठ) माजी प्रमुख डॉ. अशोक कामत हेदेखील उमेदवारी अर्ज दाखल करून रिंगणात उतरले आहेत.

पुणो : अखिल भारतीय मराठी साहित्य संमेलनाच्या अध्यक्षपदाच्या निवडणुकीत संतसाहित्याचे अभ्यासक डॉ. सदानंद मोरे, भारत सासणो यांच्यानंतर आता संत नामदेव अध्यासनाचे (पुणो विद्यापीठ) माजी प्रमुख डॉ. अशोक कामत हेदेखील उमेदवारी अर्ज दाखल करून रिंगणात उतरले आहेत.

डॉ. कामत यांनी  पुण्यात महाराष्ट्र साहित्य परिषदेत अर्ज दाखल केला. डॉ. मंगेश कश्यप सूचक, तर अनुमोदक डॉ. केतकी मोडक, डॉ. प्रतिमा इंगोले, प्रदीप निफाडकर व दीपक करंदीकर आहेत. कामत म्हणाले, ‘‘साहित्य संमेलनाध्यक्षपदाच्या निवडणुकीसाठी माझा हा पहिला आणि शेवटचा अर्ज आहे. 5क् वर्षे संत नामदेव, हिंदी व पंजाबी भक्ती परंपरा यांचा अभ्यास केला आहे. अनेक विद्यार्थी तयार केले आहेत. पंजाब व महाराष्ट्र आणि पर्यायाने सर्व बृहन्महाराष्ट्र सजविण्यासाठी या ज्ञानाचा काही उपयोग करता यावा म्हणून हे व्यासपीठ अत्यंत योग्य आहे. मी तेथे हिंदी व मराठी अशा दोन्ही भाषांमध्ये अस्खलित भाषण करणार आहे.’’ मला अनुमोदक आणि सूचक 

म्हणून नव्या पिढीचे अभ्यासक आले आहेत. हे सर्व नव्या पिढीचे तर आहेतच; परंतु ते सांस्कृतिक, सामाजिक क्षेत्रत स्वतच्या कार्याने पुढे आले आहेत. त्यामुळे आनंद झाला असून, आत्मविश्वासही दुणावला असल्याची भावना डॉ. कामत यांनी व्यक्त केली.  

‘‘या पदासाठी निवडणूक अपरिहार्य आहे; परंतु नियुक्ती सन्मानानेच व्हायला हवी. कारण निवडणुकीमुळे अनेक चांगले साहित्यिक बाजूला आहेत. लेखन बाजूला सारून प्रचाराचा विचार करावा लागतो. निवडणूक बिनविरोध किंवा सन्मानाने पद देण्यासाठी त्या क्षेत्रत अनेक वर्षे काम केलेला ज्येष्ठ साहित्यिक, लोकमान्य ज्येष्ठता, साहित्याचा समाज जोडण्यासाठी माध्यम म्हणून वापरू शकणारी व गावोगावची माणसे जोडू शकणारी व्यक्ती निवडण्यात यावी,’’ असेही त्यांनी सांगितले. (प्रतिनिधी)

 

घटक संस्थांमधूनही अर्ज

साहित्य महामंडळाच्या चारही घटक संस्थांमधून भारत सासणो उमेदवारी अर्ज भरत आहेत. मुंबईनंतर पुण्यातून साहित्य परिषदेत त्यांनी अर्ज दाखल केला असून, औरंगाबाद आणि नागपूरमधूनही ते अर्ज भरणार आहेत. पुण्यातून भरलेल्या अर्जाच्या सूचक डॉ. वीणा देव असून अनुमोदक विद्या बाळ, मुकुंद अनगळ, डॉ. विलास खोले, संजय भास्कर जोशी व महावीर जोंधळे आहेत.