आयुष्य थबकलं.... स्वरांचा उत्सवही लांबला!,‘लोकमत सूरज्योत्स्ना संगीत पुरस्कारां’ची घोषणा स्थगित!

एका विशेष सोहळ्यात दरवर्षी ‘लोकमत सूरज्योत्स्ना राष्ट्रीय संगीत पुरस्कारां’चे वितरण होते. गेली सहा वर्षे सातत्याने सुरू असलेली ही वार्षिक मैफल यावर्षी स्थगित करण्यात आली असून, संगीत पुरस्कारांची घोषणाही लांबणीवर टाकण्यात आली आहे.

ज्यांचे अवघे आयुष्य स्वरांच्या साथीने दरवळलेले होते आणि अखेरच्या श्वासापर्यंत शुभंकर स्वरांनी ज्यांची साथ निभावली; त्या ज्योत्स्ना दर्डा यांचा आज स्मृतिदिन! त्यांच्या स्मृतींच्या सुगंधाने दरवळणाऱ्या
एका विशेष सोहळ्यात दरवर्षी ‘लोकमत सूरज्योत्स्ना राष्ट्रीय संगीत पुरस्कारां’चे वितरण होते. गेली सहा वर्षे सातत्याने सुरू असलेली ही वार्षिक मैफल यावर्षी स्थगित करण्यात आली असून, संगीत पुरस्कारांची घोषणाही लांबणीवर टाकण्यात आली आहे.
आपला देश आणि अवघ्या जगभरातले वातावरण जीवघेण्या कोरोना विषाणूच्या संसर्गाने धास्तावलेले असताना सुरांच्या या वार्षिक मैफलीला अर्धविराम लागणे स्वाभाविकच!
अभिजात भारतीय शास्त्रीय संगीताचा संपन्न वारसा समर्थपणे
पुढे नेणाºया उमेदीच्या, तरुण स्वरसाधकांचा सन्मान करणारे हे राष्ट्रीय पुरस्कार गेली सहा वर्षे संगीत वर्तुळात उत्सुकतेचा विषय ठरलेले आहेत. पंडित जसराज, पंडित हरिप्रसाद चौरसिया, उस्ताद झाकीर हुसेन, पंडित राजन-साजन मिश्रा, जावेद अख्तर, आमिर खान, हरिहरन, शंकर महादेवन, रूपकुमार आणि सुनाली राठोड, प्रसून जोशी, अलका याज्ञिक, अजय-अतुल आदी दिग्गज तसेच शशी व्यास, गौरी यादवडकर हे स्नेही या पुरस्कारांशी अभिन्नपणे जोडले गेले आहेत. २०१४ ते २०१९
या काळात ‘लोकमत सूरज्योत्स्ना राष्ट्रीय संगीत पुरस्कारां’नी सन्मानित झालेल्या तरुण कलावंतांचे सांगीतिक आयुष्य पुढे कसे बहरत चालले आहे, हे या विजेत्यांच्या नावांकडे पाहताना ठळकपणे जाणवतेच.
अन्वर अली खान आणि रीवा राठोड (२०१४), पूजा गायतोंडे
आणि ओजस अडिया (२०१५), अंकिता जोशी आणि एस. आकाश (२०१६), स्वयमदृती मजुमदार आणि रमाकांत गायकवाड (२०१७), ब्रजवासी ब्रदर्स आणि अंजली गायकवाड (२०१८), शिखर नाद कुरेशी आणि आर्या आंबेकर (२०१९) यांना आजवर या पुरस्कारांनी सन्मानित करण्यात आले आहे.
या वर्षीच्या पुरस्कारांची घोषणा आणि त्यानिमित्त महाराष्ट्रातील विविध शहरांत आयोजित होणाºया संगीत मैफली सध्याचे एकूण वातावरण पाहता स्थगित करण्यात आल्या आहेत.
...पण आकाशात हे असे उदास काळे ढग किती काळ राहतील?
प्रसन्न वाºयाच्या लहरत्या लाटा लवकरच हे औदासीन्य धुऊन
नेतील. पुन्हा नवा प्रकाश उमलेल आणि स्थगित झालेले स्वरही पुन्हा बहरतीलच!
...करुणा हे मूल्य सर्वोच्च मानणाºया ज्योत्स्ना दर्डा आज असत्या, तर त्यांच्या ओठांवर अवघ्या जगासाठीच शुभंकर प्रार्थनेचे
स्वर असते. आज त्यांची स्मृती जागवताना आम्हीही सगळ्यांसाठी प्रार्थना करतो आहोत, असे ‘सूरज्योत्स्ना परिवारा’चे प्रमुख विजय दर्डा यांनी म्हटले आहे!

जीवन की ज्योत्स्ना है, और ज्योत्स्ना का जीवन
ख्यातनाम गीतकार जावेद अख्तर यांचे शब्द, सोनू निगम आणि अलका
याज्ञिक यांचा सुमधूर आवाज आणि ललित पंडित यांचे संगीत!...
स्वर्गीय ज्योत्स्ना दर्डा यांच्या आठवणींना एकत्र गुंफणारे हे ‘सूरज्योत्स्ना’चे शीर्षकगीत!! शब्द-स्वर आणि संगीताशी अभिन्नपणे जोडलेले हे सुमधूर गीत http://www.surjyotsna.org/ या संकेतस्थळावर ऐकता येईल.