नागपूर : लाेकमतचे प्रथम संपादक पत्रपंडित पद्मश्री पां. वा. गाडगीळ व लाेकमतचे ज्येष्ठ संपादक पत्रमहर्षी म. य. उपाख्य बाबा दळवी यांच्या स्मृतिप्रीत्यर्थ देण्यात येणारे आर्थिक-विकासात्मक लेखन पत्रकारिता आणि शाेधपत्रकारिता या श्रेणीत जाहीर झालेल्या राज्यस्तरीय पत्रकारिता पुरस्कारांचा वितरण समारंभ येत्या रविवार, ७ जुलै राेजी आयाेजित करण्यात आला आहे.
लाेकमततर्फे संबंधित वर्षभरात मराठी भाषेतील वृत्तपत्रे, नियतकालिके व मासिकांमध्ये प्रसिद्ध झालेले लेख व बातम्यांना याद्वारे पुरस्कृत करण्यात येते. या स्पर्धेअंतर्गत २०२१ व २०२२ च्या पुरस्कारांचे वितरण करण्यात येणार आहे. हा पुरस्कार वितरण साेहळा येत्या ७ जुलै राेजी वसंतराव नाईक मेमोरियल हाॅल (वनामती), व्हीआयपी राेड, गाेरेपेठ येथे दुपारी २ वाजता आयाेजित करण्यात आला आहे. यावेळी महाराष्ट्राचे उद्याेगमंत्री उदय सामंत, द न्यू इंडियन एक्सप्रेस, नवी दिल्लीचे संपादकीय संचालक प्रभू चावला व लाेकमत एडिटोरियल बाेर्डचे चेअरमन व माजी राज्यसभा सदस्य डाॅ. विजय दर्डा हे प्रामुख्याने उपस्थित राहणार आहेत.
दाेन्ही श्रेणीतील पुरस्कार विजेते
पां. वा. गाडगीळ आर्थिक-विकासात्मक लेखन स्पर्धा : वर्ष २०२१ : प्रथम पुरस्कार : वंदना धर्माधिकारी, पुणे. (आत्मनिर्भर, साप्ताहिक अर्थशक्ती), द्वितीय पुरस्कार : विनोद धनाजी शेंडे, पुणे. (भूक निर्देशांक : घसरणीचा विकास, लोकसत्ता) तृतीय पुरस्कार - प्रवीण घोडेस्वार, (महिला स्वच्छता कामगारांची दयनीय अवस्था, मिळून साऱ्याजणी).
वर्ष २०२२ ; प्रथम पुरस्कार : सूर्यकांत पाठक, पुणे. (ग्राहक हक्कांना मिळणार बळकटी, ग्राहकहित), द्वितीय पुरस्कार : डॉ. प्रतिमा इंगोले, अमरावती. (शेतीचा शोध घेऊनही स्त्रीची आर्थिक कोंडी, पुण्यनगरी), तृतीय पुरस्कार : समीर मराठे, नाशिक (ट्रक ड्रायव्हर्सच्या आयुष्यावरील लेख, ‘उस्ताद’, लोकमत).
म.य. उपाख्य बाबा दळवी शोधपत्रकारिता स्पर्धा- वर्ष २०२१; प्रथम पुरस्कार - डॉ. योगेश प्रकाश पांडे, नागपूर (नागपुरात ‘नीट’चा घोटाळा, लोकमत). द्वितीय पुरस्कार- विश्वास पाटील, कोल्हापूर. (दामदुप्पट परताव्याचा भूलभुलैया, लोकमत). तृतीय पुरस्कार-विवेक भुसे, पुणे. (राज्यभर गाजलेल्या स्पर्धा परीक्षा गैरव्यवहार, लोकमत).
वर्ष २०२२-प्रथम पुरस्कार : बाळकृष्ण दोड्डी, सोलापूर. (शेकडो कोटींच्या ऑनलाइन घोटाळ्याचा भंडाफोड, लोकमत). द्वितीय पुरस्कार- इंदुमती सूर्यवंशी, कोल्हापूर. (जयप्रभा स्टुडिओची दोन वर्षांपूर्वीच विक्री, लोकमत). तृतीय पुरस्कार- सुमेध वाघमारे, नागपूर. (शासकीय वैद्यकीय रुग्णालयात व्हेंटिलेटरचा अभाव, लोकमत)
पुरस्कारांचे स्वरूप, राेख रक्कम, स्मृतिचिन्ह आणि प्रमाणपत्र असे आहे. या स्पर्धांचे परीक्षण ज्येष्ठ संपादक कमलाकर धारप व दिलीप तिखिले यांनी केले आहे.