जळगाव/
जळगावची सेवा प्रारंभापासूनच विस्कळीत आहे. मुंबई विमानतळावर धावपट्टी उपलब्ध होत नसल्याचे कारण एअर डेक्कनकडून देण्यात येते. १५ दिवसांपासून सेवा बंद झाली असल्याचा दुजोरा एअर डेक्कनचे अधिकारी राहुल राकेश यांनी दिला. विमानास उशीर होण्याचेही वाढते प्रमाण आहे.कोल्हापूर-मुंबई विमानसेवा वीस दिवसांपासून बंद आहे. एअर डेक्कन कंपनीला ब्लॅकलिस्ट करण्याची मागणी करणार असल्याचे खासदार धनंजय महाडिक यांनी सांगितले.
नाशिक-दिल्लीची सेवा वगळता मुंबई आणि पुणे सेवा ठप्प झाली आहे. रडतखडत सुरू असलेली ही सेवा आठ दिवसांपासून बंद पडली आहे, तर नाशिक-अहमदाबाद ही ट्रु जेटची २८ आॅक्टोबरपासून सुरू होणारी सेवा रद्द झाली आहे. ती २ डिसेंबरला सुरू होईल.