भ्रष्टाचार मुद्यावर आयसीसीची चौकशी महत्त्वाची : तेंडुलकर

चाहते चांगले स्पर्धात्मक क्रिकेट बघण्याचे हकदार आहेत, असे मत निवृत्तीनंतरही खेळामध्ये सक्रियपणो सहभागी होत असलेला दिग्गज फलंदाज सचिन तेंडुलकरने व्यक्त केले.

 सिंगापूर : क्रिकेटमध्ये भ्रष्टाचाराच्या मुद्यावर आयसीसीतर्फे सुरू असलेली चौकशी महत्त्वाची असून चाहते चांगले स्पर्धात्मक क्रिकेट बघण्याचे हकदार आहेत, असे मत निवृत्तीनंतरही खेळामध्ये सक्रियपणो सहभागी होत असलेला दिग्गज फलंदाज सचिन तेंडुलकरने व्यक्त केले. गेल्या वर्षी कारकीर्दीतील 2क्क् वा कसोटी सामना खेळल्यानंतर आंतरराष्ट्रीय क्रिकेटमधून निवृत्ती स्वीकारणा:या सचिनने भ्रष्टाचाराच्या मुद्यावर आयसीसीकडून सुरू असलेली चौकशी महत्त्वाची असल्याचे म्हटले आहे. 

सचिन म्हणाला, ‘चाहत्यांना स्वच्छ प्रतिस्पर्धा असलेल्या क्रिकेटचा आनंद मिळावा यासाठी आयसीसीने उचललेले पाऊल महत्त्वाचे आहे.’ 

सचिनचा इशारा आयसीसीतर्फे भ्रष्टाचाराबाबत सुरू असलेल्या चौकशीकडे होता. चौकशीदरम्यान काही खेळाडूंची साक्ष प्रसारमाध्यमांर्पयत पोहोचल्यामुळे वाद निर्माण झाला आहे. 

खेळाचा प्रचार व प्रसार करण्याच्या उद्देशाने येथे आलेला सचिन निवृत्तीनंतर प्रथमच हातात बॅट धरण्याबाबत उत्सुक असल्याचे दिसून आहे. मैत्रीपूर्ण सामन्यात सचिन ब्रायन लाराच्या साथीने खेळणार आहे. 

सचिन व लारा एमसीसीच्या 

2क्क् व्या वर्धापनदिनामित्त मेरिलबोन क्रिकेट क्लबतर्फे खेळणार आहे. सचिनच्या नेतृत्वाखालील संघ 5 जुलै रोजी विश्व इलेव्हन संघाविरुद्ध खेळणार आहे. त्यात ऑस्ट्रेलियाचा माजी लेग स्पिनर शेन वॉर्नचा समावेश आहे. (वृत्तसंस्था)