- जमीर काझीमुंबई : गेल्या पाच महिन्यांपासून हक्काच्या मानधनाविना कार्यरत असलेल्या होमगार्डची अवस्था दिवसेंदिवस बिकट होत आहे. एकट्या महानगर मुंबईत कार्यरत असलेल्या चार हजारांहून अधिक जवानांचे १५ कोटी ३० लाख २०,६३३ रुपयांचे मानधन थकले आहे. त्यासाठी आता वित्त विभागाकडून अतिरिक्त निधीची मंजुरी मिळविण्याची आवश्यकता आहे. या खात्याची जबाबदारी सांभाळत असलेले उपमुख्यमंत्री अजित पवार होमगार्डना केव्हा न्याय देतात, याकडे राज्यातील ४२ हजारांहून अधिक जवानांचे लक्ष लागून राहिले आहे.राज्यातील होमगार्डच्या जिल्हानिहाय थकीत मानधनाची यादी ‘लोकमत’च्या हाती लागली आहे. त्यामध्ये मुंबईनंतर सर्वाधिक तीन हजारांहून अधिक जवान असलेल्या ठाणे जिल्ह्यात ९ कोटी ७५ लाख ८५००, तर पुण्यातील होमगार्डना ८ कोटी ५५ लाख ७१, २५० रुपये भागवावयाचे आहेत. २६ जिल्ह्यांतील सर्वात कमी थकीत मानधन हिंगोली जिल्ह्यातील असून त्यांना १ कोटी ४४ लाख ६५,३००, तर वाशिममधील होमगार्डना १ कोटी ४९ लाख ६३,६०५ भागवावयाचे आहेत.
मुंबईतील होमगार्डची १५ कोटींची देणी
By ऑनलाइन लोकमत | Published: January 21, 2020 7:23 AM