गर्ल्स रॉक

सीबीएसई’तर्फे (सेंट्रल बोर्ड आॅफ सेकंडरी एज्युकेशन) घेण्यात आलेल्या बारावीच्या परीक्षेच्या निकालात यंदादेखील विद्यार्थिनींनीच बाजी मारल्याचे चित्र आहे. वाणिज्य आणि मानव्यशास्त्र

सीबीएसई बारावी निकाल : वाणिज्यचे अच्छे दिन

नागपूर : ‘सीबीएसई’तर्फे (सेंट्रल बोर्ड आॅफ सेकंडरी एज्युकेशन) घेण्यात आलेल्या बारावीच्या परीक्षेच्या निकालात यंदादेखील विद्यार्थिनींनीच बाजी मारल्याचे चित्र आहे. वाणिज्य आणि मानव्यशास्त्र या दोन अभ्यासक्रमांत मुलींनीच अव्वल क्रमांक पटकाविला आहे. वाणिज्य शाखेतून अनुष्का गुप्तासोबत यश कोटेचा हा प्रथम क्रमांकावर आहे. विशेष म्हणजे गेल्यावर्षीप्रमाणे यंदादेखील वाणिज्य शाखेतील विद्यार्थीच ‘टॉप’ ठरले आहेत. बारावी ‘सीबीएसई’च्या परीक्षा मार्च महिन्यात घेण्यात आल्या होत्या. त्यात शहरातील वीस शाळांमधून सुमारे १७५० विद्यार्थी बसले होते. जवळपास २०० विद्यार्थ्यांना ९० टक्के किंवा त्याहून अधिक गुण आहेत. यात विद्यार्थिनींचेच प्रमाण जास्त असल्याची माहिती शाळांतर्फे देण्यात आली आहे. सामान्यत: विज्ञान विषयात जास्त गुण मिळतात असा समज आहे. परंतु मागील वर्षीप्रमाणे यंदादेखील निकालांत वाणिज्य शाखेच्या विद्यार्थ्यांनी उल्लेखनिय कामगिरी करून शहरातून अव्वल स्थान पटकाविले. ‘मेट्रो’ शहरांप्रमाणे नागपुरातदेखील वाणिज्य शाखेला मागणी वाढत असून अनेक गुणवंत विद्यार्थी इकडे वळत आहेत. येणार्‍या काळात वाणिज्य शाखेवर विद्यार्थ्यांचा जास्त भर नक्कीच दिसून येईल असा विश्वास अनेक शाळांच्या मुख्याध्यापकांनी बोलून दाखविला. (प्रतिनिधी)