घाटकोपरमध्ये जलवाहिनी फुटली

घाटकोपर येथील असल्फा परिसरातील ७२ इंची व्यासाची जलवाहिनी फुटल्याने बुधवारी रात्री एकच खळबळ उडाली.

ऑनलाइन लोकमत
मुंबई, दि. ९ -  घाटकोपर येथील असल्फा परिसरातील ७२ इंची व्यासाची जलवाहिनी फुटल्याने बुधवारी रात्री एकच खळबळ उडाली. रात्री ११ वाजण्याच्या सुमारास घडलेल्या या घटनेमध्ये लोकांच्या घरात पाणी घुसल्याने एकच हाहाकार माजला. दरम्यान, जमिनीच्या १० फूट खाली असलेली जलवाहिनी फुटल्याने लाखो लीटर पाण्याची नासाडी झाली. तर रात्रीच्यावेळी घरात पाणी शिरल्याने स्थानिक रहिवाशीही तारांबळ उडाली होती. मुंबई महानगरपालिकेच्या नियंत्रण कक्षाने दिलेल्या माहितीनुसार, रात्री उशिरा कर्मचारी पवई येथील जलवाहिनीचा मुख्य पाणीपुरवठा बंद करण्यासाठी रवाना झाले होते. त्यानंतर जलवाहिनी
दुरूस्तीचे काम सुरू होणार होते.