अहमदनगर : राष्ट्रवादी काँग्रेसच्या आमदारकीचा राजीनामा दिल्यानंतर राष्ट्रवादीचे नेते अजित पवार यांचा मोबाईल स्वीच ऑफ लागत होता. यामुळे ते नेमके कुठे आहेत याबाबत काहीच माहिती मिळत नव्हती. खुद्द शरद पवारांचीही त्यांच्याशी संपर्क होत नव्हता. यामुळे साऱ्यांनाच अजितदादा कुठे आहेत याची उत्सुकता होती. अजित पवारांचे लोकेशन अखेर समजले आहे.
शुक्रवारी रात्री उशिराने माजी उपमुख्यमंत्री अजित पवार हे नगर जिल्ह्यातील कर्जत तालुक्यातील अंबालिका कारखान्यावर दाखल झाले. त्यांच्या या कारखान्यावरील मुक्कामाबाबत कमालीची गुप्तता पाळली जात आहे.
अजित पवार हे राज्य बँकेचे अध्यक्ष होते. या बँकेतील अनियमिततेमुळे शरद पवार यांच्यावर वयाच्या ८० व्या वर्षी ईडीने गुन्हा दाखल केला. यामुळे व्यथित होऊन त्यांनी राजीनामा दिल्याचे सूत्रांचे म्हणणे आहे. त्यांच्या या दौºयाबाबत कमालीची गोपनियता पाळण्यात आली आहे. आपले नेहमीचे वाहन बदलून ते या कारखान्यावर आल्याचे सूत्रांनी सांगितले.