Election Results 2022 : "केजरीवालांचा शिवसेना भवनातही सत्कार होईल, युवराज साखर वाटतील"

Election Results 2022 : आशिष शेलारांचा शिवसेनेला खोचक टोला.

Election Results 2022 : देशात पाचही राज्यांतील निवडणुकांचे निकाल बहुतेक स्पष्ट झाले आहेत. पंजाबमध्ये आपनं मुसंडी मारत तब्बल ९२ जागांवर मुसंडी मारली आहे. तर अन्य राज्यांमध्ये भाजप बहुमताच्या जवळ पोहोचला आहे. दरम्यान, आता यावरून भाजप नेते आशिष शेलार यांनी शिवसेनेला टोला लगावला आहे.

"२०२४ साली दिल्लीच्या खुर्चीत बसणार, उत्तर प्रदेश, गोव्यात बघा आम्ही करुन दाखवतो, उत्तर प्रदेशात युवराजांची अती विराट सभा...झंझावाती दौरा...सगळ्या बुडबुड्यांचे निकाल लागले...अती प्रचंड मतांनी झंझावाती डिपॉझिट गुल हारले..“एक मासो आणि खंडी भर रस्सो!,” असं म्हणत शेलार यांनी शिवसेनेला टोला लगावला.

"अरविंद केजरीवालांचा आता बहुतेक शिवसेना भवनात जंगी सत्कार होईल. शिवाजी पार्कमध्ये हत्तीवरून युवराज साखर सुद्धा वाटतील. शेजाऱ्यांच्या घरात पाळणा हलला की, पेढे वाटपाचे कार्यक्रम करुन दाखवले जातात.आपले नाही धड अन शेजाऱ्याचा कढ," असंही ते म्हणाले.