शिवरायांच्या प्रेरणेतून राज्याचा विकास करू - मुख्यमंत्री

शिवछत्रपतींच्या आशीर्वादाने राज्यातील प्रश्न सोडवण्यासाठी शिवरायांच्या प्रेरणेतून आम्ही काम करीत राहू, असे मुख्यमंत्री देवेंद्र फडणवीस म्हणाले आहेत.

 ऑनलाइन लोकमत/ जयंत धुळप  

अलिबाग दि. 25 - शिवछत्रपतींच्या आशीर्वादाने आम्हाला राज्यातील निवडणुकांमध्ये चांगला विजय मिळाला असून यापुढे देखील राज्याचे प्रश्न सोडवण्यासाठी शिवरायांच्या प्रेरणेतून आम्ही काम करीत राहू, असे सांगत मुख्यमंत्री देवेंद्र फडणवीस यांनी शनिवारी छत्रपती शिवरायांचे आशीर्वाद घेतले 

 

राज्यात नुकत्याच झालेल्या महानगरपालिका, जिल्हा परिषदांमधील भारतीय जनता पार्टीला घवघवीत यश मिळाले. या पार्श्वभूमीवर शिवरायांना अभिवादन करण्यासाठी मुख्यमंत्री आपल्या मंत्र्यांसमवेत शनिवारी सकाळी रायगड किल्ल्यावर दाखल झाले होते. यावेळी महसूल मंत्री चंद्रकांत पाटील, सांस्कृतिक कार्यमंत्री विनोद तावडे, अर्थमंत्री सुधीर मुनगंटीवार तसेच भाजपा प्रदेशाध्यक्ष रावसाहेब दानवे, आमदार तथा मुंबई प्रदेशाध्यक्ष आशिष शेलार, आमदार प्रशांत ठाकूर, यांच्यासहीत अनेक मान्यवर यावेळी उपस्थित होते. 

(ELECTION RESULT-शिवरायांच्या आशीर्वादाचा मुख्यमंत्र्यांसह भाजपा नेत्यांना विसर)

(काँग्रेसने जे 15 वर्षांत केले नाही ते 15 महिन्यांत करू - पंतप्रधान मोदी)

(...तर जनता काँग्रेसला माफ करणार नाही - गुरुदास कामत)

महाड येथे हेलिपॅडवर आगमन झाल्यावर मुख्यमंत्री रायगड किल्ल्याकडे रवाना झाले. त्यानंतर रोपवेने गडावर येऊन मुख्यमंत्र्यांनी प्रथम मेघडंबरी येथे छत्रपतींचे दर्शन घेतले. होळीचा माळ येथील शिवाजी महाराजांच्या  सिंहासनाधिष्ठीत पुतळ्यास पुष्पहार घालून त्यांनी अभिवादन केले. त्यानंतर मुख्यमंत्र्यांनी शिवरायांच्या समाधीस्थळी जाऊन दर्शन घेतले आणि काही वेळ त्याठिकाणी थांबून शिवरायांचे स्मरण केले.