दत्ता खानविलकर अनंतात विलीन

यशवंतराव चव्हाण यांच्या मंत्रिमंडळातील मंत्री अॅड. दत्ताजीराव खानविलकर (9क्) यांचे गुरुवारी रात्री वृद्धापकाळाने त्यांच्या येथील राहत्या घरी निधन झाले.

अलिबाग : मनमिळावू स्वभाव, देखणो व्यक्तिमत्त्व, निष्णात फौजदारी वकील आणि कला, समाजकारण व राजकारण यांच्या जोरावर तब्बल 65 वर्षे जनसामान्यांशी पक्की नाळ जुळलेले काँग्रेसचे ज्येष्ठ नेते आणि यशवंतराव चव्हाण यांच्या मंत्रिमंडळातील मंत्री अॅड. दत्ताजीराव खानविलकर (9क्) यांचे गुरुवारी रात्री वृद्धापकाळाने त्यांच्या येथील राहत्या घरी निधन झाले. 

अॅड. खानविलकर यांच्या निधनाचे वृत्त येताच जिल्ह्यातील सर्वपक्षीय व समाजातील सर्व स्तरातील लोकांनी अलिबागकडे येण्यास प्रारंभ केला. मुख्यमंत्री देवेंद्र फडणवीस यांनी अॅड. खानविलकर यांचे अंत्यसंस्कार संपूर्ण शासकीय इतमामात करण्याचे आादेश रायगडचे जिल्हाधिकारी सुमंत भांगे यांना दिले.

आजन्म पुरोगामी विचारांचा पुरस्कार करणारे खानविलकर यांच्या इच्छेनुसार, पारंपरिक प्रथांचा अवलंब न करता त्यांचे चिरंजीव अजित खानविलकर यांनी भडाग्नी देवून अंत्यविधी केला. खानविलकर यांच्या निवासस्थानी रायगडचे जिल्हाधिकारी सुमंत भांगे, रायगड जिल्हा परिषदेचे मुख्य कार्यकारी अधिकारी सुनील पाटील, जिल्हा पोलीस अधीक्षक डॉ. शशिकांत महावरकर यांनी शासनाच्या वतीने आदरांजली वाहिल्यावर रायगड पोलिसांच्या विशेष सशस्त्र पथकाने मानवंदना दिली.

अंत्ययात्र अलिबाग शहरातून जाताना ठिकठिकाणी खानविलकर यांच्या चाहत्यांनी त्यांना पुष्पहार अर्पण करुन श्रद्धांजली अर्पण केली. अलिबागच्या नगराध्यक्षपदी तब्बल 12 वर्षे विराजमान राहून अलिबागचा कायापालट करणारे माजी नगराध्यक्ष खानविलकर यांच्या पार्थिवावर अलिबाग नगरपरिषदेच्या जुन्या इमारतीसमोर अलिबागकरांच्या वतीने आदरांजली अर्पण करण्यात आली.

अलिबागेत उत्स्फूर्त बंद

4अॅड.खानविलकर यांची सर्व राजकीय पक्ष आणि जनसामान्यांत प्रचंड लोकप्रियता होती. त्यामुळे त्यांच्या निधनाने चटका लागलेल्या अलिबाग शहरातील सर्व व्यापा:यांनी अत्यंत उत्स्फूर्तपणो बंद पाळून श्रद्धांजली अर्पण केली. शहरातील कोकण एज्युकेशन सोयायटी व जनता शिक्षण मंडळाने आपल्या शाळा व महाविद्यालयांना सुट्टी देवून आदरांजली अर्पण केली.

4आमदार पंडित पाटील, महाराष्ट्र प्रदेश राष्ट्रवादी काँग्रेसचे अध्यक्ष आमदार सुनील तटकरे, माजीमंत्री रवीशेठ पाटील, अलिबागचे नगराध्यक्ष प्रशांत नाईक, नमिता नाईक, कोएसोचे अध्यक्ष संजय पाटील आदींनी अंत्यदर्शन घेतले.