राज्यात दररोज कोरोनाचे नवे रुग्ण अद्यापही सापडत असले तरी कोरोनामुक्त होणाऱ्या रुग्णांचीही संख्या दिवसेंदिवस वाढत आहे. गेल्या चोवीस तासांत राज्यात कोरोनाबाधितांपेक्षा कोरोनामुक्त रुग्णांची संख्या अधिक असल्याची नोंद करण्यात आली. गेल्या चोवीस तासांत राज्यात तब्बल ६ हजारांपेक्षा अधिक रूग्णांनी कोरोनावर मात केली, तर ४ हजारांपेक्षा अधिक कोरोनाबाधित रुग्णांची नोंद करण्यात आली.
गेल्या चोवीस तासांत राज्यात ६,३८४ रुग्णांनी कोरोनावर मात केली. तर दुसरीकडे ४,३६५ नव्या कोरोनाबाधितांची नोंद करण्यात आली. गेल्या चोवीस तासांत राज्यात १०५ रूग्णांचा कोरोनामुळे मृत्यू झाला. राज्यातील रुग्ण बरे होण्याचा दर ९६.९७ टक्क्यांवर पोहोचला आहे.