राज्यातील कोरोनाची दुसरी लाट आता ओसरताना दिसत आहे. गेल्या चोवीस तासांत राज्यात नव्या कोरोनाबाधितांपेक्षा कोरोनामुक्त झालेल्या रुग्णांची अधिक नोंद करण्यात आली. चोवीस तासांत राज्यात ५९१४ रुग्णांनी कोरोनावर मात केली आहे. तर दुसरीकडे साडेचार हजारांपेक्षा अधिक नव्या कोरोनाबाधितांची नोंद झाली आहे.
गेल्या चोवीस तासांत राज्यात ५९१४ रूग्णांनी कोरोनावर मात केली. तर दुसरीकडे ४५७५ नव्या कोरोनाबाधितांची नोंद करण्यात आली. राज्यात गेल्या चोवीस तासांमध्ये १४५ रुग्णांचा कोरोनामुळे मृत्यू झाला. राज्यात सध्या ५३,९६७ रुग्णांवर उपचार सुरू असून रुग्ण बरे होण्याचा दर ९६.९९ टक्क्यांवर पोहोचला आहे.