मुंबई : छत्रपती शिवाजी महाराज आंतरराष्ट्रीय विमानतळ येथील कामगारांची दिवाळी दणक्यात साजरी होणार आहे. या कामगारांना दिवाळीसाठी ३५ हजार रुपयांचा बोनस मिळाला आहे. लोडर, ड्रायव्हर, क्लिनर या कामगारांसाठी ३५ हजार रुपये व व्हाईट कॉलर कामगारांना एक बेसिक वेतन दिवाळी बोनस म्हणून देण्याचा निर्णय घेण्यात आला. विमानतळावरील सेवा पुरवठादार कंपनीच्या व्यवस्थापनासोबत दिवाळीच्या बोनस संदर्भात भारतीय कामगार सेनेचे संयुक्त सरचिटणीस संजय कदम यांच्यासोबत बैठक झाली. त्यामध्ये हा निर्णय घेण्यात आला.
बोनसची रक्कम दिवाळीच्या आधीच कामगारांच्या खात्यात जमा झाल्याने कामगारांनी समाधान व्यक्त केले व आनंद व्यक्त केला. तसेच संजय कदम, सुजित कारेकर आणि भारतीय कामगार सेनेचे आभार मानले. बोनसबाबत निर्णय घेण्यासाठी आयोजित बैठकीसाठी भारतीय कामगार सेनेचे चिटणीस संतोष कदम, सूर्यकांत पाटील, राजा ठाणगे, सहचिटणीस सुजित कारेकर (युनिट अध्यक्ष), नीलेश ठाणगे, नरेंद्र दळवी, सरचिटणीस सुदर्शन वारसे, खजिनदार संतोष लखमदे, सदस्य हेमंत नाईक, नितीन कदम, असोसिएशनचे सरचिटणीस हरिश्चंद्र कराळे, सदस्य रवी शेलार, रमेश रसाळ, उमेश सुरती, अनिल गुरव व इतर कमिटी सदस्य व कामगार उपस्थित होते.
Web Summary : Mumbai airport workers received a Diwali bonus: ₹35,000 for loaders, drivers, and cleaners, and one basic salary for white-collar employees. The decision followed a meeting between labor union representatives and the service provider's management. Workers expressed satisfaction with the bonus, deposited before Diwali.
Web Summary : मुंबई हवाई अड्डे के कर्मचारियों को दीवाली बोनस मिला: लोडर, ड्राइवर और क्लीनर के लिए ₹35,000 और व्हाइट-कॉलर कर्मचारियों के लिए एक मूल वेतन। यह निर्णय श्रम संघ के प्रतिनिधियों और सेवा प्रदाता के प्रबंधन के बीच बैठक के बाद लिया गया। कर्मचारियों ने दीवाली से पहले जमा किए गए बोनस पर संतोष व्यक्त किया।