सांगली : ऐन संक्रांतीच्या सणालाच निवडणुकांचा माहोल गरम झाला आहे. अनेक प्रभागात चुरशीच्या लढती रंगल्याने कोण जिंकणार अन् कोण हरणार याचा अंदाज लावणे कठीण होत आहे. तरीही संक्रांत कोणावर येणार अन् विजयाचे वाण कोणाच्या हाती पडणार यावरून सांगली, मिरज, कुपवाड महापालिका क्षेत्रात पैजा रंगल्या आहेत. पैजांमध्ये पैसे, वाहने, मोबाइल डावावर लागले आहेत.सांगली, मिरज, कुपवाड महापालिकेच्या एकूण २० प्रभागात ७८ जागांसाठी निवडणूक होत आहे. यंदा ३८१ उमेदवार रिंगणात उतरले आहेत. यंदा पक्षांची संख्याही खूप असल्याने लढतींचे चित्र रंगतदार बनले आहे. पहिल्या टप्प्यात कोणताही अंदाज लागणे शक्य नव्हते. आता प्रचाराचा शेवटचा टप्पा सुरु असल्याने राजकीय पक्षांचे पदाधिकारी, कार्यकर्ते तसेच नागरिकांमध्येही निकालावरून पैजा लावल्या जात आहे.
वाचा: सांगली महापालिका निवडणुकीत १५ प्रभागांत बिग फाईट; लक्षवेधी लढतीतील प्रभाग, उमेदवार.. जाणून घ्यानिवडणुका म्हटलं की पैजा आल्याच. पैजा म्हटलं की हार-जीत आलीच. निवडणुकीत जिंकणाऱ्या उमेदवाराबाबत अंदाज व्यक्त करीत पैजांचे विडे उचलले जात आहेत. नगरपालिका निवडणुकीतही छुप्या व जाहीर पैजा लावण्यात आल्या होत्या. निकालानंतर त्याची पूर्तता काही ठिकाणी करण्यात आली. आता महापालिका निवडणुकीतही निकालाची उत्सुकता लागली असताना अंदाजांची जागा पैजांनी घ्यायला सुरुवात झाली आहे.
कशाकशावर पैजा लागल्या?
- प्रभागात कोणत्या गटात कोण विजयी होणार यापासून कोणत्या पक्षाला किती जागा मिळणार यावर पैजा लागल्या आहेत.
- सर्वाधिक पैजा या विजयी व पराभूत उमेदवार कोण असेल यावर लागल्या आहेत.
- महापालिकेत सत्ता कोणाची येणार यावर लागलेल्या पैजांची संख्या कमी आहे.
- रकमांच्या स्वरुपातील पैजांचे प्रमाण अधिक दिसून येते.
गतवेळी अंदाज चुकलेमागील निवडणुकीत भाजपला अनपेक्षित यश मिळाल्याने अनेकांचे अंदाज चुकले होते. यंदा अनेक पक्ष मैदानात उतरल्याने व सर्वांनी ताकद लावल्याने महापालिकेत सत्ता कोणाची येणार यावरील अंदाज फारसे व्यक्त होताना दिसत नाहीत. त्यामुळे उमेदवारांवरच अधिक अंदाज वर्तविले जात आहेत.
कुंडल्या बघून अंदाजकाही उमेदवारांनी कुंडल्या दाखवून निकालाबाबत अंदाज घेतला असल्याने निकटवर्तीय कार्यकर्त्यांनी त्या आधारावरही पैजा लावण्यास सुरुवात केली आहे.
Web Summary : With Sangli Municipal elections heating up, betting is rife on winners. People wager money, vehicles and phones. Astrologers are consulted for predictions adding another layer to the election frenzy.
Web Summary : सांगली नगर निगम चुनाव में सरगर्मी के साथ, विजेताओं पर सट्टा ज़ोरों पर है। लोग पैसे, वाहन और फोन दांव पर लगा रहे हैं। चुनाव के उत्साह में ज्योतिषियों से भविष्यवाणियाँ कराई जा रही हैं।