बारामती (पुणे): उपमुख्यमंत्री अजित पवार यांच्या अपघाती निधनाचे वृत्त समजताच संपूर्ण महाराष्ट्रात शोककळा पसरली आहे. आपल्या लाडक्या नेत्याला शेवटचे पाहण्यासाठी राज्यातील कानाकोपऱ्यातून कार्यकर्त्यांनी बारामतीची वाट धरली आहे. हजारो गाड्या बारामतीकडे येत असून, शहरातील रस्त्यांवर गर्दी झाली आहे.
कार्यकर्त्यांच्या डोळ्यांत अश्रू, ओठांवर 'दादा'चे नावबारामतीकडे येणाऱ्या प्रत्येक रस्त्यावर केवळ गाड्याच गाड्या दिसत आहेत. छत्रपती संभाजीनगर, कोल्हापूर, नाशिक, नागपूर आणि विशेषतः ग्रामीण भागातून कार्यकर्ते मोठ्या संख्येने येत आहेत. अनेक कार्यकर्ते रस्त्याच्या कडेला थांबून ढसाढसा रडताना दिसत आहेत. "आमचा आधार गेला," अशा भावना व्यक्त करत कार्यकर्ते हवालदिल झाले आहेत.
बारामतीत विदारक दृश्येपुण्यश्लोक अहिल्याबाई होळकर शासकीय वैद्यकीय महाविद्यालयाच्या बाहेर कार्यकर्त्यांची मोठी गर्दी जमली आहे. पोलीस प्रशासन गर्दीवर नियंत्रण मिळवण्यासाठी प्रयत्न करत आहे.
उद्या अंत्यसंस्कार...
अजित पवार यांचे पार्थिव आज संध्याकाळपर्यंत बारामतीत अंतिम दर्शनासाठी ठेवले जाण्याची शक्यता आहे. उद्या सकाळी १० वाजेच्या सुमारास त्यांची अंत्ययात्रा निघणार असून, त्यानंतर बारामतीतील मिशन हायस्कूल मैदानावर किंवा पवार कुटुंबाच्या शेतावर त्यांच्यावर अंत्यसंस्कार केले जातील. राज्य सरकारने राजकीय शोक जाहीर केला असून, अंत्यसंस्कारावेळी त्यांना 'गार्ड ऑफ ऑनर' देऊन मानवंदना दिली जाईल.
Web Summary : Following reports of Ajit Pawar's death, thousands of supporters are heading to Baramati to pay their respects. Grief-stricken crowds gather, with the funeral planned for tomorrow, including state honors.
Web Summary : अजित पवार के निधन की खबर के बाद, हजारों समर्थक बारामती में श्रद्धांजलि देने के लिए जा रहे हैं। दुखी भीड़ जमा हो रही है, कल अंतिम संस्कार की योजना है, जिसमें राजकीय सम्मान शामिल है।