गेल्या काही महिन्यांपासून कोरोना रुग्णसंख्येचा (Coronavirus Patients) खाली येणार आलेख आता पुन्हा वर जाऊ लागला आहे. गेल्या काही दिवसांमध्ये पुन्हा एकदा कोरोनाबाधितांच्या संख्येत मोठी वाढ होताना दिसतेय. तर दुसरीकडे कोरोनाच्या डेल्टा विषाणूसह (Delta Variant), ओमायक्रॉनच्या (Omicron Variant) रुग्णांची संख्याही वाढताना दिसत आहे. दरम्यान, राज्याचे नगरविकास मंत्री एकनाथ शिंदे (Eknath Shinde) यांच्यापाठोपाठ आता शिवसेना खासदार अरविंद सावंत (Shiv Sena Mp Arvind Sawant) यांनाही कोरोनाची लागण झाल्याची (Tested Coronavirus Positive) माहिती समोर आली आहे. अरविंद सावंत यांनी ट्वीट करत यासंदर्भातील माहिती दिली होती.
"माझी कोरोना चाचणी पॉझिटिव्ह आली असल्याने मी स्वतः विलगीकरणात जात आहे. माझ्या संपर्कात आलेल्या सर्वांनी आपली कोरोना चाचणी करुन घ्यावी, ही नम्र विनंती. काळजी घ्या.," असं अरविंद सावंत यांनी ट्विटरद्वारे सांगितलं.