सहकारमंत्र्यांच्या ताफ्यातील फॅन्सी नंबर प्लेटच्या गाडीवर कारवाई होणार

वाहतुक नियमांचे उल्लघंन करणारे सहकारमंत्री चंद्रकांत पाटील यांच्या फॅन्सी नंबर प्लेटच्या गाडीवर कारवाई करण्याचे आदेश परिवहन मंत्री दिवाकर रावते यांनी दिले आहेत.

ऑनलाइन लोकमत 

मुंबई, दि. ७ - वाहतुक नियमांचे उल्लघंन करणारे सहकारमंत्री चंद्रकांत पाटील यांच्या फॅन्सी नंबर प्लेटच्या गाडीवर कारवाई करण्याचे आदेश परिवहन मंत्री दिवाकर रावते यांनी दिले आहेत. शनिवारी सोलापूर दौ-यावर आलेले चंद्रकांत पाटील यांच्या गाडीवर फॅन्सी नंबर प्लेट होती. या गाडीची नंबर प्लेट बीजेपी या अक्षरांमध्ये डिझाईन केली आहे. 

त्यामुळे गाडीचा नेमका क्रमांक पाहणा-याला समजत नाही. एकीकडे राज्यातील युती सरकारच्या हेल्मेट सक्तीच्या निर्णयाबद्दल विरोधाचे सूर उमटत असताना स्वत: सरकारमधील मंत्रीच वाहतूक नियमांचे उल्लंघन करत असल्याचे समोर आले. त्यामुळे वाहतुकीचे नियम सर्वसामांन्यासाठीच  आहेत का ? असा प्रश्न निर्माण झाला होता. 

वृत्तवाहिनीवर यासंबंधीचे वृत्त प्रसिध्द झाल्यानंतर दिवाकर रावते यांनी पाटील यांच्या फॅन्सी नंबर प्लेटच्या गाडीवर कारवाई करण्याचे आदेश दिले.