राज्य शासनाच्या सांस्कृतिक कार्य विभागामार्फत प्रदान करण्यात येणाऱ्या विविध पुरस्कारांची घोषणा करण्यात आली. दरम्यान, २०२३ चा गानसम्राज्ञी लता मंगेशकर पुरस्कार ज्येष्ठ गायक सुरेश वाडकर यांना जाहीर झाला आहे. सांस्कृतिक कार्य मंत्री सुधीर मुनगंटीवार यांनी आज ही घोषणा केली. गान सम्राज्ञी लता मंगेशकर पुरस्कार, नटवर्य प्रभाकर पणशीकर रंगभूमी जीवनगौरव पुरस्कार, संगीताचार्य अण्णासाहेब किर्लोस्कर संगीत रंगभूमी जीवन गौरव पुरस्कार, भारतरत्न पंडित भीमसेन जोशी शास्त्रीय संगीत जीवन गौरव पुरस्कार, राज्य सांस्कृतिक पुरस्कार इत्यादी पुरस्कार सांस्कृतिक कार्य संचालनालयामार्फत दरवर्षी देण्यात येतात.सांस्कृतिक कार्य संचालनालयाच्या वतीने दरवर्षी देण्यात येणाऱ्या जीवनगौरव पुरस्कारांच्या रकमेत पुरस्काराच्या रकमेत दुप्पट वाढ करण्यात आली असून राज्य सांस्कृतिक पुरस्काराची रक्कम तिप्पट करण्यात आली असल्याची माहिती यावेळी देण्यात आली. याशिवाय पुरस्कारांच्या क्षेत्रांमध्येही विस्तार करण्यात आला आहे.२०२३ चा गान सम्राज्ञी लता मंगेशकर पुरस्कार ज्येष्ठ गायक सुरेशजी वाडकर यांना जाहीर झालेला आहे. संगीत व गायन क्षेत्रातील सातत्यपूर्ण आणि अमूल्य योगदान देणाऱ्या कलाकारास हा पुरस्कार देण्यात येतो. तर भारतरत्न पंडित भीमसेन जोशी शास्त्रीय संगीत जीवन गौरव पुरस्कार २०२२ साठी पं. उल्हासजी कशाळकर यांना, तर २०२३ च्या पुरस्कारासाठी पं. शशिकांतजी (नाना) श्रीधर मुळ्ये यांची घोषणा करण्यात आली आहे. शास्त्रीय संगीतासाठी ज्यांनी अतुलनीय योगदान दिले आणि शास्त्रीय संगीत क्षेत्राची सेवा केली, त्या कलाकारांच्या योगदानाबद्दल हा पुरस्कार प्रदान करण्यात येतो.
नटवर्य प्रभाकर पणशीकर रंगभूमी जीवन गौरव पुरस्कार २०२२ साठी श्रीमती सुहासिनीजी देशपांडे यांच्या नावाची घोषणा झाली आहे, तर २०२३ साठी अशोकजी समेळ यांना पुरस्कार घोषित झाला आहे. मराठी रंगभूमीवर ज्यांनी आपल्या कार्यकर्तृत्वाचा ठसा उमटवला आहे, अशा कलाकारांना या पुरस्काराने गौरविण्यात येते.पुरस्कार विजेत्यांची नावं पुढीलप्रमाणेगान सम्राज्ञी लता मंगेशकर पुरस्कारसुरेशजी वाडकर (२०२३)
नटवर्य प्रभाकर पणशीकर रंगभूमी जीवनगौरव पुरस्कारसुहासिनी देशपांडे (२०२२)अशोक समेळ (२०२३)
संगीताचार्य अण्णासाहेब किर्लोस्कर संगीत रंगभूमी जीवन गौरव पुरस्कारनयना आपटे (२०२२)पं. मकरंदजी कुंडले (२०२३)
भारतरत्न पंडित भीमसेन जोशी शास्त्रीय संगीत जीवन गौरव पुरस्कारपं. उल्हास कशाळकर (२०२२)पं. शशिकांत (नाना) श्रीधर मुळ्ये (२०२३)
राज्य सांस्कृतिक पुरस्कार
नाटकवंदनाजी गुप्ते (२०२२)ज्योती सुभाष (२०२३)
उपशास्त्रीय संगीतमोरेश्वर निस्ताने (२०२२)ऋषिकेश बोडस (२०२३)
कंठ संगीतअपर्णा मयेकर (२०२२)रघुनंदन पणशीकर (२०२३)
लोककलाहिरालाल रामचंद्र सहारे (२०२२) कीर्तनकार भाऊरावजी थुटे महाराज (२०२३)
शाहिरीजयंत अभंगा रणदिवे (२०२२)राजू राऊत (२०२३)
नृत्यलताजी सुरेंद्र (२०२२)सदानंदजी राणे (२०२३)
चित्रपटचेतन दळवी (२०२२)निशिगंधा वाड (२०२३)
कीर्तन प्रबोधनप्राची गडकरी (२०२२)अमृत महाराजजी जोशी (२०२२)
वाद्य संगीतपं. अनंतजी केमकर (2022)शशिकांत सुरेश भोसले (2023)
कलादानसंगीताजी राजेंद्र टेकाडे (२०२२)यशवंत रघुनाथ तेंडोलकर (२०२३)
तमाशाबुढ्ढणभाईजी बेपारी (वेल्हेकर) (२०२२)उमाजी खुडे (२०२३)
आदिवासी गिरीजनभिकल्या धाकल्या धिंडा (२०२२)सुरेश नाना रणसिंग (२०२३)