मुंबई : मुंबई - पुणे द्रुतगती मार्गावर हायवे ट्रॅफिक मॅनेजमेंट सिस्टम अंतर्गत मुंबईकडील वाहिनीवर गॅन्ट्री बसविण्याचे काम महाराष्ट्र राज्य रस्ते विकास महामंडळामार्फत आज, मंगळवारी दुपारी १२ ते २ वाजण्याच्या दरम्यान करण्यात येणार आहे.
गॅन्ट्री बसविताना या कालावधीत मुंबई वाहिनीवरील सर्व प्रकारच्या हलक्या व अवजड वाहनांची वाहतूक पूर्णतः बंद राहील वाहन चालकांना पर्यायी मार्गाने प्रवास करता येईल. पुण्याहुन मुंबईकडे येणाऱ्या हलक्या वाहनांना मुंबई वाहिनीवर लेन किलोमीटर ५५ वरून वळण घ्यावे लागेल. मुंबई - पुणे राष्ट्रीय महामार्ग क्रमांक ४८ या जुना पुणे - मुंबई मार्गावरून जाता येईल. पुण्याहून मुंबईकडे येणाऱ्या हलक्या वाहनांना आणि बसला खोपोली एक्झिट किलो मीटर ३९ येथून वळण घेता येईल.