रस्ता ओलांडत असताना कारची महिलेला धडक

स्कूटीला पाठीमागून अज्ञात वाहनाची धडक

लातूर : शहरातील उषा किरण पेट्रोल पंपाजवळ स्कूटीवरून जात असताना फिर्यादी सतीश अंबादास कोकाटे यांना पाठीमागून येणाऱ्या अज्ञात वाहनाने जोराची धडक दिली. या अपघातात डोक्याला मार लागला असून, फ्रॅक्चर झाले आहे. याबाबत कोकाटे यांनी दिलेल्या फिर्यादीवरून एमआयडीसी पोलीस ठाण्यात अज्ञात वाहनाविरुद्ध गुन्हा नोंद करण्यात आला आहे.

कंटेनरची वाहनाला धडक, एक जण जखमी

लातूर : भरधाव वेगातील एमएच ४६ एच १५६१ या क्रमांकाच्या कंटेनरने फिर्यादी योगेश अशोक घोरपडे यांच्या वाहनास धडक दिली. १२ नंबर पाटीजवळ झालेल्या या अपघातात फिर्यादीचे वडील जखमी झाले शिवाय वाहनाचे नुकसान झाले. याबाबत घोरपडे यांच्या फिर्यादीवरून एमएच ४६ एच १५६१ या क्रमांकाच्या कंटेनर चालकाविरुद्ध एमआयडीसी पोलीस ठाण्यात गुन्हा नाेंद करण्यात आला आहे. पुढील तपास पोहेकॉ वांगे करीत आहेत.

औराद शहाजानी येथे दुचाकीची चाेरी

लातूर : औराद शहाजानी येथे घरासमोर पार्किंग केलेल्या एमएच २४ - ३११६ या क्रमांकाच्या दुचाकीची चोरी झाल्याची घटना २२ मार्च रोजी घडली. याबाबत संतोष वैजनाथप्पा गुड्डा यांनी दिलेल्या फिर्यादीवरून औराद शहाजानी पोलिसात अज्ञात चोरट्याविरुद्ध गुन्हा नाेंंद करण्यात आला आहे. दरम्यान, लातूर शहरासह जिल्ह्यात दुचाकी चोरीच्या घटनात वाढ होत असून याकडे पोलीस प्रशासनाने लक्ष देण्याची मागणी नागरिकांमधून होत आहे.