शेतात फवारणी का करता म्हणून मारहाण

शिवाजी चौकातून दुचाकीची चोरी

लातूर : शहरातील शिवाजी चौकातील वाहनतळावर पार्किंग केलेल्या एमएच २४ व्ही ५३९५ या क्रमांकाच्या दुचाकीची चोरी झाल्याची घटना २५ रोजी घडली. याबाबत गणेश विठ्ठल नरहरे (रा. पाच नंबर चौक, आवंतीनगर) यांनी दिलेल्या फिर्यादीवरून अज्ञात चोरट्यांविरुद्ध शिवाजीनगर पोलीस ठाण्यात गुन्हा नोंद करण्यात आला आहे.

घराकडे पायी जाताना मोटारसायकलची धडक

लातूर : पाच नंबर चौकातून घराकडे पायी जात असताना विवेकानंद शाळेसमोर भरधाव वेगातील एमएच २४ एव्ही ८५४२ या क्रमांकाच्या दुचाकीला चालकाने जोराची धडक दिली. या अपघातात फिर्यादी बालाजी सूर्यकांत हांडे यांचा पाय फ्रॅक्चर झाला असून, डोक्याला व तोंडाला मार लागून गंभीर जखम झाली आहे. याबाबत त्यांच्या फिर्यादीवरून एमएच २४ एव्ही ८५४२ या क्रमांकाच्या दुचाकी चालकाविरुद्ध गुन्हा नोंद करण्यात आला आहे.

तितली पंती नावाचा जुगार; एकास अटक

देवणी : तितली पंती नावाचा जुगार खेळत व खेळवीत असताना देवणी तालुक्यातील जवळगा येथे एक जण आढळून आला. या वेळी पोलिसांनी रोख ३ हजार ५२० व जुगार साहित्य जप्त केले आहे. याबाबत पो.उप.नि. नारायण लिंबाजी डप्पडवाड यांनी दिलेल्या फिर्यादीवरून महेश्वर नागोराव भंडारे (रा. जवळगा, ता. देवणी) याच्याविरुद्ध गुन्हा नोंद करण्यात आला आहे. पुढील तपास पो.ना. साळुंके करीत आहेत.

मागील भांडणाची कुरापत काढून मारहाण

लातूर : मागील भांडणाची कुरापत काढून फिर्यादी प्रणव नवनाथ कदम (रा. श्रीनगर) यांना मारहाण झाल्याची घटना घडली. याबाबत त्यांनी दिलेल्या फिर्यादीवरून सोहेल शेख व अन्य दोघांविरुद्ध शिवाजीनगर पोलीस ठाण्यात गुन्हा नोंद करण्यात आला आहे. पुढील तपास पो.उप.नि. देशमुख करीत आहेत.