थोरलेवाडी येथून चंदनाच्या झाडांची चोरी

थोडगा शिवारातून आंब्याच्या झाडांची चोरी

लातूर : अहमदपूर तालुक्यातील थोडगा शेतशिवारातून आंब्याच्या पाच झाडांची चोरी झाल्याची घटना ८ ते ९ मे रोजी घडली. याप्रकरणी अहमदपूर पोलीस ठाण्यात अज्ञाताविरुद्ध गुन्हा नोंदवण्यात आला आहे. पोलिसांनी सांगितले की, फिर्यादी राहुल रमेश कागणे (रा. टेंभुर्णी रोड, अहमदपूर) यांच्या शेतातील आंब्याची पाच झाडे अंदाजे किंमत १० हजार रुपये कोणी तरी अज्ञात चोरट्याने कापून चोरून नेली. याप्रकरणी अहमदपूर पोलीस ठाण्यात अज्ञात चोरट्यांविरुद्ध गुन्हा नोंद करण्यात आला आहे. पुढील तपास पोना. बडे करीत आहेत.

पैसे देण्या-घेण्याच्या कारणावरून मारहाण

लातूर : शेतातील आखाड्यावर म्हशीचे दूध आणण्यासाठी गेले असता संगनमत करून पैसे देण्या-घेण्याच्या कारणावरून शिवीगाळ करीत एकास मारहाण करण्यात आली. याप्रकरणी तिघा जणांविरुद्ध किनगाव पोलीस ठाण्यात गुन्हा नोंद करण्यात आला आहे.

पोलिसांनी सांगितले, फिर्यादी विजयकुमार नागोराव पत्की (टाकळगाव, ता. अहमदपूर) हे टाकळगाव शेतशिवारातील आपल्या शेतातील आखाड्यावर म्हशीचे दूध आणण्यासाठी गेले असता तिघा जणांनी संगनमत करून आखाड्यावर येऊन फिर्यादीस पैसे देण्या-घेण्याच्या कारणावरून शिवीगाळ करून मारहाण केली. तसेच हाताच्या बोटावर मारून जखमी केले. काठीने कमरेवर मारून जखमी करीत जीवे मारण्याची धमकी दिली. याप्रकरणी विजयकुमार पत्की यांच्या तक्रारीवरून वसंत ज्ञानोबा दराडे व सोबत असलेल्या दोघांविरुद्ध (सर्व, रा. टाकळगाव) यांच्याविरुद्ध किनगाव पोलीस ठाण्यात गुन्हा दाखल करण्यात आला आहे. पुढील तपास पोहेकॉ. मुरकुटे करीत आहेत.