हरिश्चंद्र बिराजदार यांच्या नावे औशात क्रीडा संकुल उभारणार

रामलिंग मुदगड येथे हरिश्चंद्र बिराजदार यांच्या स्मृतिदिनानिमित्त आयोजित कार्यक्रमात ते बोलत होते. अध्यक्षस्थानी रामलिंगेश्वर शिक्षण संस्थेचे अध्यक्ष रामराव दुधनाळे होते. तीन दिवसीय कार्यक्रमांचे उद्घाटन एपीआय रेवनाथ डमाळे यांच्या हस्ते झाले. समारोप आ. अभिमन्यू पवार यांच्या हस्ते झाला. यावेळी घेण्यात आलेल्या शिबिरात ३०० जणांची तपासणी करण्यात आली. गरजूंना चादरीचे वाटप करण्यात आले.

कार्यक्रमास संस्थेचे संचालक राहुल बिराजदार, सरपंच रामलिंग होगाडे, संचालक राजेंद्र गोरे यांच्यासह संतोष मुक्ता, अजित माने, ज्ञानेश्वर वाकडे, धनराज होळकुंदे, जिलानी बागवान, सुनील बाजपेयी, कल्पना ढविले, संजय कुलकर्णी, परमेश्वर बिराजदार, भीमाशंकर रचट्टे, सचिन नरवाडे आदी उपस्थित होते. प्रास्ताविक सहशिक्षक बालाजी नाईकवाडे यांनी केले.

आ. अभिमन्यू पवार म्हणाले, देशी खेळावर भर देणे काळाची गरज आहे. त्यासाठी शाळेत क्रीडा शिक्षक नियुक्त करणे आवश्यक आहे. या शिक्षण संस्थेस यापुढेही मदत करण्यात येईल. यापुढे चालविण्यात येणाऱ्या युनिटला हरिश्चंद्र बिराजदार यांचे नाव देण्यात यावे. पाणंदमुक्ती अभियानात शेतकऱ्यांनी सहभागी व्हावे, असे आवाहन केले.