लातूर ग्रामीण, औराद, गातेगाव हद्दीतील अवैध व्यवसायावर छापे

पाेलिसांनी सांगितले, औराद शहाजानी, लातूर ग्रामीण आणि गातेगाव पाेलीस ठाण्यांच्या हद्दीत माेठ्या प्रमाणावर अवैध व्यवसाय सुरु असल्याची माहिती पाेलिसांना मिळाली. या माहितीच्या आधारे पाेलीस पथकाने औराद शहाजानी परिसरातील तांबाळवाडी येथे छापा मारला. यावेळी सर्फराज ताजोदीन सय्यद, ३९ रा. तांबाळा ता. निलंगा, सय्यद हुसेन दाऊद सय्यद, ३१ रा. तांबळवाडी ता. निलंगा, कालिदास नरसिंग बिराजदार, ४८ रा. औराद शहाजानी ता. निलंगा हे स्वतःच्या फायद्यासाठी लोकांकडून पैसे घेऊन मटका जुगार चालवित हाेते. त्यांच्याकडून जुगाराचे साहित्य, रोख रक्कम आणि मोटारसायकल असा एकूण १ लाख ७२ हजार ४५० रुपयांचा मुद्देमाल जप्त करण्यात आला. तर औराद शहाजानी ते बसवकल्याण रोडवर तांबरवाडी शिवारातच आणखी एका जुगारावर छापा मारण्यात आला. अभंग माणिक जमादार, ३८ रा. बसवकल्याण ता.जि. बीदर, इमरान इस्माईल सय्यद, २४ रा. तांबळवाडी ता. निलंगा, कालिदास नरसिंग बिराजदार, ४८ रा. औराद शहाजानी ता. निलंगा हे लाेकांकडून पैसे घेऊन कल्याण, मिलन-डे नावाचा मटका चालवित हाेते. त्यांच्याकडून जुगाराचे साहित्य, रोख रक्कम असा एकूण ३२ हजार ३७० रुपयांचा मुद्देमाल जप्त केला आहे.

गातेगाव परिसरातील मुरुड अकाेला शिवारात गावठी हातभट्टी चारचाकी वाहनातून घेवून जात असताना पाेलिसांनी छापा मारला. यावेळी यशवंत लालसिंग राठोड, ३० रा. तावरजखेडा जि.उस्मानाबाद, अच्युत सुभाष राठोड, २७ रा. आरणी जि. उस्मानाबाद, राजेभाऊ अनिल आडे, २० रा. जवळगावतांडा, ता. अंबाजोगाई जि. बीड हे हाती लागले. त्यांच्याकडून दाेन रबरी ट्यूबमधून ९० लिटर हातभट्टी आढळून आली. यावेळी कार आणि हातभट्टी जप्त करण्यात आली. तर लातूर ग्रामीण पाेलीस ठाण्याच्या हद्दीतील सारोळा शिवारातील धर्मपाल चंद्रकांत अर्जून, ३८ रा. सुगाव ता. चाकूर हा माेटारसायकलवरुन देशी-विदेशी दारूची वाहतूक करीत असल्याचे आढळून आले. यावेळी माेटारसायकलसह देशी-विदेशी दारू असा ७६,९५० रुपयांचा मुद्देमाल जप्त करण्यात आला. याप्रकरणी लातूर ग्रामीण ठाण्यात गुन्हा दाखल करण्यात आला आहे.