कोविड जनजागृतीसाठी पोलिसांची दुचाकी रॅली

अहमदपूर पोलीस ठाण्याच्या वतीने शहरातील छत्रपती शिवाजी महाराज चौक, आझाद चौक, महात्मा बसवेश्वर चौक, स्वा. सावरकर चौक, मुख्य रस्ता, थोडगा रोड, जिल्हा परिषद शाळा, मोंढा रोड, अंबाजोगाई रोड अशा १५ किमी अंतराची मोटारसायकल व पोलीस व्हॅनची रॅली काढून जनजागृती करण्यात आली. या रॅलीदरम्यान पोलिसांनी जनतेला आपले कुटुंब आपली जबाबदारी आहे. त्यामुळे घराबाहेर पडू नका. फिजिकल डिस्टन्सचे पालन करा. पोलिसांनी लागू केलेल्या नियमांचे पालन करा. मास्क वापरा, असे आवाहन केले. या फेरीत २५ मोटारसायकली व दोन वाहनांचा समावेश होता. या रॅलीत पोलीस निरीक्षक नानासाहेब लाकाळ, सहायक पोलीस निरीक्षक गजेंद्र सरोदे, पोलीस उपनिरीक्षक विजय पाटील, एकनाथ नागोराव जाधव यांच्यासह पोलीस कर्मचारी सहभागी झाले होते.