ऑटोच्या अपघातात एक जण जखमी

कॉलेजच्या गेटसमोरून दुचाकी चोरीला

लातूर : उदगीर शहरातील एका महाविद्यालयासमोर पार्किंग केलेल्या एमएच २४ टी ५८७१ या क्रमांकाच्या दुचाकीची चोरी झाल्याची घटना घडली. याबाबत आप्पाराव अण्णाराव सागापुरे (रा. शिरोळ जानापूर, ता. उदगीर, ह.मु. शिवाजीनगर, उदगीर) यांनी दिलेल्या फिर्यादीवरून अज्ञात चोरट्यांविरुद्ध उदगीर शहर पोलिसात गुन्हा नोंद करण्यात आला आहे. पुढील तपास पो.हे.कॉ. चव्हाण करीत आहेत.

तांदुळजा येथे घरासमोरून दुचाकीची चोरी

लातूर : तालुक्यातील तांदुळजा येथे घरासमोर पार्किंग केलेल्या एमएच १४ जीजी ७०७१ या क्रमांकाच्या दुचाकीची चोरी झाल्याची घटना घडली. याबाबत अनंत बळीराम गणगे यांनी दिलेल्या फिर्यादीवरून मुरुड पोलिसात अज्ञात चोरट्याविरुद्ध गुन्हा नोंद करण्यात आला आहे. पुढील तपास स.पो.फौ. चौगुले करीत आहेत.

चंदनाची दोन झाडे चोरीला

लातूर : कोष्टगाव शिवारातील फिर्यादीच्या शेतातील दोन चंदनाच्या झाडांची चोरी झाल्याची घटना घडली. याबाबत प्रदीप व्यंकटराव मुंढे (रा. कोष्टगाव, ता. रेणापूर) यांनी दिलेल्या फिर्यादीवरून अज्ञात चोरट्यांविरुद्ध किनगाव पोलिसात गुन्हा नोंद करण्यात आला आहे. पुढील तपास पो.ना. पलमटे करीत आहेत.

स्कुटीची चोरी; अज्ञाताविरुद्ध गुन्हा

लातूर : लातूर शहरातील शिवाजीनगर पोलीस ठाण्याच्या हद्दीत मोबाइल शॉपीसमोर पार्किंग केलेल्या एमएच २४ बीबी ४२९८ या क्रमांकाच्या स्कुटीची चोरी झाली. याबाबत आशिष विजय राठोड (रा. लातूर) यांनी दिलेल्या फिर्यादीवरून शिवाजीनगर पोलीस ठाण्यात गुन्हा नोंद करण्यात आला आहे. पुढील तपास पो.हे.कॉ. भताने करीत आहेत.

दुचाकीला धडक; एकजण जखमी

लातूर : बुधोडा ते लातूरकडे येत असताना श्रीराम फायनान्स समोरून येणाऱ्या एका दुचाकीने फिर्यादीच्या स्कुटीला धडक दिली. यात फिर्यादी व फिर्यादीचा मित्र जखमी झाला. याबाबत युसुफ मुसा पटेल (रा. इस्लामपुरा) यांनी दिलेल्या फिर्यादीवरून औसा पोलीस ठाण्यात अज्ञात दुचाकी चालकाविरुद्ध गुन्हा नोंद करण्यात आला आहे. पुढील तपास पो.हे.कॉ. कांबळे करीत आहेत.

दोन बैलजोडीची चोरी; गुन्हा दाखल

लातूर : निलंगा तालुक्यातील हलगरा शिवारातील शेडमध्ये बांधलेल्या दोन बैलजोडीची चोरी झाल्याची घटना १६ सप्टेंबर रोजी घडली. या बैलजोडीची किंमत १ लाख २० हजार रुपये आहे. याबाबत फारुख अहेमद अब्दुल खादर देशमुख (रा. निलंगा) यांनी दिलेल्या फिर्यादीवरून औराद शहाजानी पोलिसात अज्ञात चोरट्यांविरुद्ध गुन्हा नोंद करण्यात आला आहे. पुढील तपास पो.ना. सौदागर करीत आहेत.

शिवीगाळ करून लाथा-बुक्क्यांनी मारहाण

लातूर : तू जास्त शहाणपणा करतोस का म्हणून शिवीगाळ करून लाथा-बुक्क्याने मारहाण केली. तसेच जीवे मारण्याची धमकी दिल्याची घटना नेलवाड येथे घडली. याबाबत शफिउल्ला पाशासाहेब उहागीरदार (रा. नेलवाड, ता. निलंगा) यांनी दिलेल्या फिर्यादीवरून दशरू अण्णाराव गुंजले यांच्याविरुद्ध कासारशिरसी पोलिसात गुन्हा नोंद करण्यात आला आहे. पुढील तपास पो.हे.कॉ. सिरसाट करीत आहेत.