निवडणुकीवरून एकास मारहाण

...

ट्रकच्या धडकेत तिघेजण जखमी

लातूर : एका ट्रकचालकाने निष्काळजी वाहन चालवून समोरुन येणाऱ्या दुचाकीस्वारास धडक दिली. या अपघातात तिघे जण जखमी झाले. ही घटना उदगिरातील नांदेड- बिदर रस्त्यावर घडली. याप्रकरणी ट्रक चालकाविरुद्ध उदगीर ग्रामीण पोलीस ठाण्यात मंगळवारी गुन्हा दाखल करण्यात आला आहे.

नांदेड- बिदर रस्त्यावरुन देवाशिष मुरमू हे एमएच २४, टी ३७०२ क्रमांकाच्या दुचाकीवरून जात होते. तेव्हा एमएच २६, एच ७३४२ क्रमांकाच्या ट्रकचालकाने निष्काळजी भरधाव वेगात वाहन चालवून दुचाकीस्वारास समोरुन धडक दिली. या अपघातात दुचाकीस्वारासह अन्य दोघे जखमी झाले आहेत. याप्रकरणी मुरमू यांच्या फिर्यादीवरुन उदगीर ग्रामीण पोलीस ठाण्यात मंगळवारी ट्रक चालकाविरुद्ध गुन्हा दाखल करण्यात आला आहे. अधिक तपास पोउपनि. जोंधळे करीत आहेत.

...

कारच्या धडकेत दुचाकीवरील दोघे जखमी

लातूर : भरधाव वेगातील कारचालकाने निष्काळजी वाहन चालवून दुचाकीस्वारास धडक दिली. या अपघातात दोघे जण जखमी झाल्याची घटना औसा एमआयडीसी कॉर्नर येथे घडली. याप्रकरणी औसा पोलीस ठाण्यात मंगळवारी गुन्हा दाखल करण्यात आला आहे.

औश्यातील भोई गल्लीतील राम भुरे व अन्य एक जण एमएच २४, एबी ६२०६ क्रमांकाच्या दुचाकीवरुन जात होते. ते औसा एमआयडीसी कॉर्नर येथे पोहोचले असता एमएच २४, एडब्ल्यू ३०५५ क्रमांकाच्या कार चालकाने निष्काळजी भरधाव वेगात वाहन चालवून दुचाकीस्वारास धडक दिली. यात दुचाकीवरील दोघेजण जखमी झाले, तसेच दुचाकीचे २० हजारांचे नुकसान झाले. याप्रकरणी भुरे यांच्या फिर्यादीवरून औसा पोलीस ठाण्यात गुन्हा दाखल करण्यात आला आहे.