राजकुमार जाेंधळे / लातूर : मनाेवस्था बरी नसलेल्या ४५ वर्षीय मुलाने जेवणाचे ताट घेऊन खाेलीत आलेल्या आईच्याच डाेक्यात काठी घातली. तिथेच वयाेवृद्ध आईचा मृत्यू झाला. याबाबत एमआयडीसी पाेलिस ठाण्यात मुलाविराेधात खुनाचा गुन्हा दाखल करण्यात आला आहे. दरम्यान, अटक केलेल्या मुलाला पाेलिसांनी बुधवारी रुग्णालयात दाखल केले.
पाेलिसांनी सांगितले, लातुरातील वाल्मीकनगर येथील रहिवासी सुभाषचंद्र कंदले (वय ८५) हे पत्नी आणि मुलगा पूनमचंद्रसाेबत राहत आहेत. आई प्रभावती कंदले (वय ७९) मनाेवस्था बरी नसलेला मुलगा पूनमचंद्र कंदले (वय ४५) याच्या खाेलीत मंगळवारी दुपारी १२:३० वाजण्याच्या सुमारास गेली हाेती. दरम्यान, मुलाने वृद्ध आईच्या डाेक्यात काठी घातल्याने ती गंभीर जखमी अवस्थेत जागेवरच काेसळली. यातच तिचा मृत्यू झाला. बाहेर वडील अंथरुणावर पडून हाेते. बराच वेळ झाला, पत्नी खाेलीतून बाहेर का आली नाही? मुलाचाही आवाज येत नाही. यामुळे ते अस्वस्थ झाले. आवाज दिला तरी आतून काहीच प्रतिसाद मिळत नसल्याने त्यांनी विकास नगरात राहणाऱ्या दुसऱ्या मुलाला याची माहिती दिली.
मुलगा जयकुमार कंदले (वय ५०) हा तातडीने घरी दाखल झाला. त्याने भावाला आणि आईला दरवाजावर थाप मारून बाहेरून आवाज दिला. मात्र, खाेलीतून कुठलाही प्रतिसाद मिळत नव्हता. आराेपी मुलगा पूनमचंद्र याने खाेलीच्या दरवाजाची कडी आतून बंद केली हाेती. अखेर याबाबतची माहिती एमआयडीसी ठाण्याच्या पाेलिसांना देण्यात आली. घटनास्थळी दाखल झालेल्या पाेलिसांनी खाेलीचे दार उघडले. प्रभावती कंदले यांच्या मृतदेहाचा पंचनामा पाेलिसांनी केला. घटनास्थळी डीवायएसपी भागवत फुंदे, पाेलिस निरीक्षक एस.डी. नरवाडे, सपाेनि. देवकत्ते यांनी भेट दिली.
याबाबत एमआयडीसी पाेलिस ठाण्यात जयकुमार कंदले (वय ४५) यांनी दिलेल्या तक्रारीवरून गु.र.नं. १३० / २०२४ कलम ३०२ भा.दं.वि. प्रमाणे गुन्हा दाखल करण्यात आला असून, पाेलिसांनी आराेपी मुलगा पूनमचंद्र कंदले याला अटक केली आहे. त्याला बुधवारी लातुरातील रुग्णालयात दाखल केले आहे.
भांबावलेल्या मुलाने स्वत:ला काेंडून घेतले...
आईच्या डाेक्यात काठी घातल्यानंतर ती जागेवरच काेसळली. घडला प्रकार पाहून मनाेवस्था बरी नसलेला मुलगा भांबावून गेला. त्याने मृतावस्थेत असलेल्या आईसाेबत स्वत:लाही काेंडून घेतले. बराच वेळ दरवाजा उघडत नाही, पत्नी बाहेर येत नाही, मुलाचा आवाज येत नाही. हे पाहून वयाेवृद्ध वडिलांनी दुसऱ्या मुलाला बाेलावून घेतले. दरवाजा उघडला तेव्हा सर्वांनाच धक्का बसला.