बाल संरक्षणात समाजकार्य महाविद्यालयाची भागीदारी महत्त्वाची

क्राय आणि कलापंढरी यांच्या संयुक्त विद्यमाने बाल सुरक्षितता कार्यक्रमांतर्गत ग्राम बाल संरक्षण समिती सदस्य प्रशिक्षकांचे प्रशिक्षण या कार्यक्रमात ते बोलत होते. मंचावर बी. पी. सूर्यवंशी, प्रशिक्षक प्रवीण पाटील, डॉ. संजय गवई, अनिरुद्ध जंगापल्ले यांची उपस्थिती होती.

प्राचार्य डॉ.सिद्राम डोंगरगे म्हणाले, कोविडच्या काळात आणि आजही बालकांच्या संरक्षणासाठी विविध कार्यक्रमांचे आयोजन केले जात आहे. गावपातळीवर बालकांच्या संरक्षणासाठी स्थापित असलेली ग्राम बाल संरक्षण समिती यांना प्रशिक्षण देण्यासाठी विशेष प्रशिक्षण कार्यक्रम आयोजित करून लातूर जिल्ह्यातील १०० गावात ग्राम बाल संरक्षण समिती सक्रिय करण्याचा मनोदय अतिशय कल्याणकारी आहे. यामध्ये महात्मा बसवेश्वर महाविद्यालयातील समाजकार्य विभाग भागीदारी देण्याचा प्रयत्न करेल. प्रवीण पाटील यांनी बाल संरक्षण समितीची कार्यपद्धती व प्रक्रिया या विषयावर मार्गदर्शन केले. यशस्वितेसाठी शिवदर्शन सदाकाळे, जयवंत जंगापल्ले, प्रतिमा कांबळे, मनोज तवंडे, कुणाल जोशी, मिलिंद कांबळे, बालाजी अंबुरे, सद्दाम शेख, माया सोरटे, धनराज पवार, मारुती देवकते व अक्षता सूर्यवंशी आदींनी परिश्रम घेतले.