पतीची आत्महत्या, पत्नीस पोलिसांनी घेतले ताब्यात

तालुक्यातील महाळंग्रावाडी येथील एका मंदिरात सोनवती येथील ऋषिकेश कुटवाडे हे पुजारी म्हणून काम करीत आहेत. गावातील रामदास अंगद इरले हे या मंदिरात साफसफाईचे काम करीत होते. दरम्यान, इरले यांनी कुटवाडे यास समज देण्याचा प्रयत्न केला असता त्याने दोनदा मारहाण केली. २० सप्टेंबरपासून इरले हे घरातून निघून गेल्याने त्यांची चौकशी करून शोध घेतला. परंतु, ते सापडले नाहीत.

२२ सप्टेंबर रोजी नागनाथ निगोळे यांच्या शेतातील लिंबाच्या झाडाला गळफास घेऊन इरले यांनी आत्महत्या केल्याचे उघडकीस आले. याप्रकरणी मयताचा भाऊ मेघराज इरले यांच्या फिर्यादीवरुन आत्महत्येस प्रवृत्त केल्याप्रकरणी ऋषिकेश कुटवाडे व कलावती इरले यांच्याविरुध्द गुन्हा दाखल करण्यात आला आहे. पुढील तपास पोउपनि, खंडू दर्शने, पोहेकॉ. अच्युत सूर्यवंशी, किशोर स्वामी हे करीत आहेत.