पाझर तलावात आढळलेला हातबाॅम्ब केला निकामी

पाेलिसांनी सांगितले, अहमदपूर तालुक्यातील शिरुर ताजबंदनजीक असलेल्या महादेववाडी येथील पाझर तलावात शनिवारी सकाळी दहाच्या सुमारास तुळशीराम ज्ञानाेबा वलसे यांना हातबाॅम्बसदृश्य वस्तू असल्याचे दिसून आले. त्यांनी याबाबत तातडीने शिरुर ताजबंद येथील पाेलीस कर्मचाऱ्यांना माहिती दिली. घटनास्थळी लातूर येथील बाॅम्ब शाेधक व नाशक पथकाला पाचारण करण्यात आले. पथकाने या हातबाॅम्बची पाहणी करुन त्यावर नियंत्रण मिळविले. शनिवारी रात्री उशिरापर्यंत हातबाॅम्ब निकामी करता आला नाही. दरम्यान, पाेलिसांनी परिसरातील वाहतूक आणि वर्दळीचा अंदाज घेत रविवारी हातबाॅम्ब निकामी करण्याचा निर्णय घेतला. रविवारी सकाळपासूनच लातूर आणि नांदेड येथील पथके दाखल झाली. अतिशय सावधपणे हा हातबाॅम्ब बाॅम्बशाेधक आणि नाशक पथकाने निकामी केला आहे. घटनास्थळी माजी मंत्री बाळासाहेब जाधव, आ. बाबासाहेब पाटील, आ. विक्रम काळे, पाेलीस अधीक्षक निखिल पिंगळे, तहसीलदार प्रसाद कुलकर्णी, गटविकास अधिकारी चंद्रहार ढाकणे, पाेलीस निरीक्षक सुनील बिर्ला, नायब तहसीलदार गणेश तांदळे, सहायक पाेलीस निरीक्षक गजेंद्र सराेदे यांनी भेट देवून पाहणी केली आहे.

हातबाॅम्ब आला काेठून, याचा शाेध सुरु...

लातूर ते अहमदपूर राष्ट्रीय महामार्गालगतच्या पाझर तलावात हातबाॅम्ब आला काेठून, याबाबत पाेलिसांच्या विशेष पथकाकडून तपास केला जात आहे. हातबाॅम्ब निकामी केल्यानंतर घटनास्थळवरील त्याचे तुकडे आणि इतर साहित्य न्यायवैद्यक प्रयाेगशाळेला पाठविण्यात आले आहेत. या प्रयाेगशाळेचा अहवाल आल्यानंतर परिस्थितीचा अंदाज येइल. असे पाेलीस अधीक्षक निखिल पिंगळे म्हणाले.

फोटो कॅप्शन :

शिरूर ताजबंद नजिकच्या तलाव परिसराची पाहणी करताना पोलीस अधीक्षक निखिल पिंगळे, उपविभागीय पोलीस अधिकारी बलराज लांजिले, तहसीलदार प्रसाद कुलकर्णी, पोनि. सुनील बिर्ला.

फोटो फाईल नेम :

०३एलएचपी शिरूर.टीफ