अज्ञात वाहनाने दिलेल्या धडकेत बाप-लेकाचा मृत्यू

लातूर / रेणापूर : अज्ञात वाहनाने दिलेल्या धडकेत दुचाकीवरील बाप-लेक गंभीर जखमी झाल्याने त्यांचा मृत्यू झाल्याची घटना मंगळवारी रात्री उशिरा घडली. हा अपघात रेणापूर येथील एका शाळेजवळ घडला. मयत बाप-लेकावर बुधवारी दुपारी रेणापूर येथे अंत्यसंस्कार करण्यात आले. याप्रकरणी रेणापूर पाेलीस ठाण्यात अज्ञात वाहनचालकाविराेधात गुन्हा दाखल करण्यात आला आहे. पाेलिसांनी सांगितले, राहुल गाेविंद सुरवसे (वय ३६) यांचा खराेळा येथे ढाबा असून, ते नेहमीप्रमाणे आपला मुलगा विश्वजित (वय १२) याला घेऊन मंगळवारी रात्री दुचाकीवरुन रेणापूर येथील आपल्या घराकडे निघाले हाेते. दरम्यान, एका शाळेजवळ आल्यानंतर अज्ञात वाहनाने त्यांच्या दुचाकीला जाेराची धडक दिली. या अपघातात राहुल सुरवसे यांच्या छातीला, पाेटाला आणि मुलाच्या डाेक्याला जबर मार लागला. दाेघेही गंभीर जखमी झाल्याने त्यांना उपचारासाठी रेणापूर येथील शासकीय रुग्णालयात दाखल केले असता, तेथील डाॅ. एस. एस. शेख यांनी त्यांना मृत घाेषित केले. मयत राहुल सुरवसे यांच्या पश्चात आई-वडील, भाऊ, पत्नी, दाेन मुली असा परिवार आहे.

रेणापूर पाेलीस ठाण्याचे निरीक्षक नानासाहेब उबाळे, सहाय्यक पाेलीस अधिकारी श्रीराम माचेवाड, सहाय्यक पाेलीस उपनिरीक्षक राजकुमार गुळभेले, पाेलीस कर्मचारी संताेष ठाकूर यांनी घटनास्थळी भेट देऊन पाहणी केली. याबाबत रेणापूर पाेलीस ठाण्यात दिलेल्या माहितीवरुन नाेंद करण्यात आली आहे.