राजकुमार जाेंधळे, लातूर: जिल्ह्यातील निलंगा, रेणापूर, शिरूर अनंतपाळ तालुक्यांतील काही भागात सोमवारी दुपारी वादळी वाऱ्यासह अवकाळी पाऊस झाला. तर लिंबाळा (ता. निलंगा) आणि रेणापूर तालुक्यातील काही गावांत गाराही पडल्या. या पावसामुळे रब्बी पिकांसह आंब्याचा मोहार गळून नुकसान झाले. काही गावांमध्ये पत्र्याच्या घरांचे नुकसान झाले आहे. वायगाव (ता. उदगीर) येथे शेतात काम करत असताना अंगावर वीज पडल्याने दिगंबर राम बेलकुंडे (वय ६०) यांचा मृत्यू झाला आहे.
'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!
गेल्या दोन दिवसांपासून वातावरणात अचानक बदल झाला आहे. सोमवारी दुपारी ३:३० वाजण्याच्या सुमारास जोरदार वादळी वारे सुटले. लातूर जिल्ह्यातील निलंगा, रेणापूर, शिरुर अनंतपाळ, येरोळ, डिगोळ, अहमदपूर तालुक्यातील किनगाव, औसा तालुक्यातील खरोसा या भागात अवकाळी पाऊस झाला. याचा रब्बीतील गहू, ज्वारी, करडईला फटका बसला आहे. त्याचबराेबर राशीसाठी काढणी केलेला हरभरा भिजला आहे. आंब्याचा मोहर गळाला. द्राक्षासह इतर फळबागांचे नुकसान झाले. रेणापूरसह खरोळा, पोहरेगाव, समसापूर, कोळगाव, राजेवाडी, नेहरूनगर आदी गावांत गारपीट झाली. पाऊण तास वादळी वाऱ्यासह पाऊस झाल्याने ज्वारी भुईसपाट झाली आहे.
लिंबाळा परिसरात गारपीट; औरादमध्ये जोरदार पाऊस
निलंगा तालुक्यातील लिंबाळा गावात सायंकाळी गारपीट झाली असून, औराद शहाजानीसह परिसरातील तगरखेडा, सावरी, हलगरा, शेळगी, चन्नाचीवाडी, कोयाचीवाडी, संगारेड्डीवाडी, मानेजवळगा येथे सोमवारी सायंकाळी ६ ते ७ वाजण्याच्या सुमारास जोरदार अवकाळी पाऊस झाला. यामुळे रब्बी हंगामातील तूर, हरभरा, बडी ज्वारीसह भाजीपाला, फळबागांचे माेठे नुकसान झाले. यामध्ये खरबूज, टरबूज, पपईचा समावेश आहे.
Web Summary : Udgir farmer died from lightning. Hailstorms in Renapur damaged rabi crops, fruits and homes in Latur district due to unseasonal rain and wind.
Web Summary : उदगीर में बिजली गिरने से किसान की मौत हो गई। रेनापुर में ओलावृष्टि से लातूर जिले में रबी फसलों, फलों और घरों को बेमौसम बारिश और हवा से नुकसान हुआ।