चाेरी केलेल्या आठ दुचाकी पाेलिसांनी केल्या जप्त

पाेलिसांनी सांगितले, लातूर शहरासह जिल्ह्यातील विविध पाेलीस ठाण्यांच्या हद्दीत माेठ्या प्रमाणावर माेटारसायकली चोरीच्या घटना अज्ञातांकडून सुरू आहेत. या माेटारसायकल चाेरीचे सत्र गत अनेक दिवसांपासून थांबता थांबत नसल्याचे चित्र आहे. याबाबत विविध पाेलीस ठाण्यांत स्वतंत्र गुन्हे दाखल करण्यात आले आहेत. विवेकानंद चाैक पाेलीस ठाण्यात दाखल असलेल्या गुन्ह्यातील माेटारसायकल चाेरीमधील संशयित आराेपी हा गुरुड चाैक, नवीन नांदेड नाका, लातूर परिसरात असल्याची माहिती पाेलिसांना खबऱ्यामार्फत मिळाली. ताे नवीन नांदेड नाका परिसरात चाेरीतील माेटारसायकली विकण्याचा प्रयत्न करण्यासाठी फिरत आहे. अशीही माहिती पाेलिसांना मिळाली. या माहितीच्या आधारे स्थानिक गुन्हे शाखेच्या पथकाने गरूड चाैकात सापळा लावला. यावेळी अंबाजोगाई तालुक्यातील धानाेरा येथील १७ वर्षीय मुलाला ताब्यात घेण्यात आले. त्याच्याकडे याबाबत अधिक चाैकशी केली असता, साथीदाराच्या मदतीने वेगवेगळ्या भागातून माेटारसायकली चाेरल्याची माहिती त्याने दिली. यातील दाेन माेटारसायकली माझ्या घरासमाेर थांबविण्यात आल्या आहेत, असे सांगितले. शिवाय, ताब्यातील मुलाने सांगितल्याप्रमाणे शिरूर अनंतपाळ येथून ६ माेटारसायकली पाेलीस पथकाने जप्त केल्या आहेत. ताब्यात असलेल्या मुलाकडून अन्य गुन्ह्यांची उकल हाेण्याची शक्यता पाेलिसांनी वर्तविली आहे.