लातूर : जिल्ह्यातील ८६ पैकी एकूण ७ अहवाल शनिवारी पॉझिटिव्ह आल्याची माहिती देण्यात आली.
विलासराव देशमुख शासकीय वैद्यकीय विज्ञान संस्थेत घेण्यात आलेल्या ३७ स्वब पैकी १९ व्यक्तींचे अहवाल निगेटिव्ह तर ४ पॉझिटिव्ह असून ६ अनिर्णित आहेत. पॉझिटिव्ह पैकी तिघे लातूर शहरातील देसाई नगरातील रुग्णाच्या संपर्कातील आहेत. तर एकजण अंबाजोगाई रोड वरील जिजामाता नगरातील आहे. तसेच यापूर्वीच पॉझिटिव्ह आलेले मात्र पुनर्तपासणी केल्यानंतर पुन्हा ७ अहवाल पॉझिटिव्ह आले असल्याची माहिती डॉ. मारुती कराळे यांनी दिली.
दरम्यान उदगीर उपजिल्हा रुग्णालयातील ३३ पैकी २९ व्यक्तींचे अहवाल निगेटिव्ह आले आहेत. १ पॉझिटिव्ह व ३ अनिर्णित आहेत. स्त्री रुग्णालयातील १६ पैकी १३ निगेटिव्ह तर २ अहवाल पॉझिटिव्ह आहेत व एक स्वब परिपूर्ण नसल्याने रद्द करण्यात आल्याची माहितीही अधिष्ठाता डॉ गिरीश ठाकूर व प्रयोगशाळा प्रमुख डॉ. विजय चिंचोलकर यांनी दिली.