वजन वाढले कारण,
मैदानी खेळ, सायकलिंग बंद आहे. मोबाईल, टीव्ही आणि लॅपटॉपसमोरचा ऑनलाईन वर्गामुळे वेळ वाढलेला आहे.
टीव्हीसमोर असल्याने खाण्यावर नियंत्रण राहिले नाही. होम डिलिव्हरी सुरू झाल्याने हॉटेलमधील चमचमीत पदार्थ मागविले जात आहेत.
टीव्ही पाहत पिझ्झा, बर्गरवर ताव मारला जात आहे. फास्टफूड खाद्य पदार्थात वाढ झाल्याने वजन वाढले आहे.
वजन कमी करण्यासाठी ही घ्या काळजी
घरातल्या घरात खेळणे, योगासन करणे आवश्यक आहे. तेवढ्यापुरताच मोबाईल, लॅपटॉपचा वापर करणे, खाण्यावर नियंत्रण ठेवणे गरजेचे आहे.
कोरोना नियमांमध्ये काही प्रमाणात शिथिलता आहे. वॉकिंग ट्रॅक सुरू झाले आहेत. त्यामुळे पालकांनी मुलांना सोबत घेऊन स्वत:ही व्यायाम करायला हवा. जेणेकरून मुलांचे वजन कमी होईल.
प्रत्येक पालकांनी आपल्या मुलांना वेळ देऊन त्यांना एकाकी वाटणार नाही, याची खबरदारी घ्यावी. बदलत्या जीवनशैलीचा अवलंब करताना काळजी घ्यावी.
लहान मुलांचे डॉक्टर म्हणतात...
मोबाईल, लॅपटॉप, टीव्हीचा अति वापर आहे. त्याचबरोबर खाण्यातही वाढ झाली आहे. परिणामी, मुलांचे वजन वाढले आहे. त्यामुळे अनावश्यक स्क्रीन टाईम कमी करणे, फिजिकल ॲक्टिव्हिटी वाढविणे आणि खानपानावर नियंत्रण ठेवणे हे पर्याय वजन कमी करण्यासाठी आहेत. - डॉ. वर्धमान उदगीरकर
बदलती जीवनशैली स्वीकारावी लागेल. परंतु, शारीरिक हानी होणार नाही, याची खबरदारी घेणे गरजेचे आहे. मुलांचा स्क्रीन टाईम कमी करून त्यांच्या व्यायामाकडे लक्ष द्यावे लागेल. या बाबी करण्यासाठी पालकांना मुलांसाठी आता जास्तीचा वेळ राखून ठेवण्याची गरज आहे. - डॉ. शिवप्रसाद मुंदडा
मुले टीव्ही, मोबाईल सोडतच नाहीत
ऑनलाईन वर्ग केल्यानंतरही मुलं मोबाईल सोडत नाहीत. मोबाईल बंद झाला तर टीव्हीपुढे बसतात. त्याला विरोध केला तर जेवण करीत नाहीत, अशी स्थिती आहे. त्यांना समजावण्याची मोठी कसरतच आहे. - अंगद किनीकर
घरातच असल्यामुळे मुलांचे वजन वाढले आहे. टीव्ही आणि मोबाईल पाहण्याची सवय झाली आहे. बाहेर जाऊ नये म्हणून आम्ही पाहू देतो. त्यावर बंधन घालावे लागेल. - विष्णू कांबळे