लातूर : शहरातील गरुड चौकानजीक नांदेड महामार्गावर रविवारी सकाळी ११ वाजण्याच्या सुमारास अचानक सीएनजी टँकर लिकेज झाल्याने एकच खळबळ उडाली. घटनेनंतर प्रशासनाने तातडीने उपाययोजना केल्या. वाहतूक थांबविली. नागरिकांना रोखले. अग्निशमन दल व कंपनीच्या बचाव पथकाने अर्ध्या तासात प्रेशर आटोक्यात आणले. यामुळे मोठा अनर्थ टळला आहे.
लिकेज सुरू झाल्यानंतर अग्निशमनचे पथक आले. यावेळी प्रेशर कमी करण्याचा प्रयत्न झाला. मात्र, ते होत नसल्याने दोन्ही बाजूचा रस्ता बंद करून सीएनजी स्वत:हून बाहेर सोडण्यात आले. त्यामुळे प्रेशर कमी झाल्यानंतर वाहतूक सुरळीत करण्यात आली. सीएनजी हवेत लिक झाल्यास तत्काळ पेट घेत नाही. मात्र, शहराच्या मध्यभागी अशी घटना घडल्यास धोका बळावतो. त्यामुळे लातूर पोलिस, अग्निशमन व कंपनीच्या बचाव पथकाने उपाययोजना राबविल्या. सकाळी ११ वाजण्याच्या सुमारास सुरू झालेला हा प्रकार ११:४५ वाजण्याच्या सुमारास आटोक्यात आला. त्यामुळे वाहतूकही सुरळीत झाली. नागरिकांच्या मनातील भीतीही दूर झाली.
Web Summary : A CNG tanker leak near Garud Chowk, Latur, caused panic and halted traffic on Sunday. Authorities quickly responded, stopping traffic and containing the leak within 45 minutes, averting a major disaster. The situation was brought under control by fire brigade and company rescue team.
Web Summary : लातूर के गरुड़ चौक के पास सीएनजी टैंकर रिसाव से रविवार को दहशत फैल गई और यातायात बाधित हो गया। अधिकारियों ने तुरंत कार्रवाई करते हुए यातायात रोका और 45 मिनट के भीतर रिसाव को नियंत्रित कर लिया, जिससे एक बड़ा हादसा टल गया। दमकल और कंपनी की बचाव टीम द्वारा स्थिति को नियंत्रण में लाया गया।