लातूरच्या बाजारात चायनीज मांजा ; विक्रीमुळे वाढला धोका

लाेकमत न्यूज नेटवर्क

लातूर : शहरासह जिल्हाभरात मकरसंक्रांत, वेळाअमावास्यानिमित्त पतंग व मांजाची खेरदी-विक्री माेठ्या प्रमाणात वाढते. लातूरच्या बाजारात चायनीज मांजा विक्रीसाठी दाखल झाला असून, हा मांजा यंदाही पक्ष्याच्या जीवावर बेतणार असल्याचे दिसून येत आहे. दरवर्षी मांजाने अनेक पक्ष्यांना आपला जीव गमवावा लागला आहे. तर काही व्यक्ती गंभीर जखमी झाले आहेत.

शासनाने चायनीज मांजावर बंदी घातली असून, ताे सर्रासपणे विकला जात आहे. हा मांजा स्वत:सह इतरांच्या जीवावर बेतणारा आहे. यासाठी आता पतंग उडविताना खबरदारी घ्यावी लागणार आहे. दरम्यान, अनेकदा प्रवास करणाऱ्या माेटारसायकलवरील व्यक्ती या मांजाने गंभीर जखमी झाले आहेत. याबाबत अधिक गंभीरपणे विचार करण्याची गरज असल्याचे पक्षिमित्र, पर्यावरणतज्ज्ञांनी सांगितले. बाजारात शासनाकडून नाॅयलन आणि चायनीज मांजावर बंदी घातली आहे. असे असले तरी हा प्राणघातक मांजा बाजारात सहज उपलब्ध हाेत आहे. या चायनीज मांजामुळे लहान मुलांचे हात कापणे, बाेटांना इजा पाेहोचणे. शिवाय, अनेकांच्या गळ्याला मांजा लागल्याने गंभीर जखमी हाेण्याच्या घटना घडत आहेत. पतंग उंचावर गेल्यावर मांजा पक्ष्यांना दिसत नाही. पक्ष्यांचा विहार सुरू असताना अचानक त्यांच्या पक्ष्यांना मांजा अडकताे. काही पक्ष्यांच्या पायाला मांजा अडकणे तर काहींचा गळा मांजामुळे कापला जाणे असे प्रकार दरवर्षी शेकडाेंच्या संख्येने घडतात. जानेवारी ते डिसेंबरअखेर मांजाने जखमी हाेणाऱ्या पक्ष्यांची संख्या २७८ आहे. तर तब्बल १२७ अपघात झाले आहेत. यातून ४७ व्यक्ती जखमी झाले आहेत.

चायनीज मांजा विकणाऱ्यांवर हाेणार दंडात्मक कडक कारवाई

लातूर शहर आणि जिल्ह्यातील उदगीर, अहमदपूर, निलंगा, औसा शहरातील बाजारपेठेत चायनीज मांजा विक्रीप्रकरणी कडक करावाई करण्यात येणार आहे. त्यासाठी जिल्हा पाेलीस अधीक्षक निखिल पिंगळे यांनी रविवारी थेट आदेश जारी केले आहेत. संबंधित विक्रेत्यांवर आता थेट दंडात्मक कारवाईसह गुन्हेही दाखल केले जाणार आहेत.