सावधान, फेस्टिव्हल ऑफर्सच्या नावाखाली हाेऊ शकते फसवणूक !

ऑनलाईन शाॅपिंगच्या माेहात आता बहुतांश ग्राहक अडकत चालला आहे. सुरक्षित आणि सजग राहून शाॅपिंग केल्यास ऑनलाईन खरेदीचे फायदे अधिक असल्याचा अनुभव अनेकांच्या पदरी आहे. दुकानात, माॅल, हाेलसेल बाजारात एखादी वस्तू खरेदी करताना ग्राहक दहावेळ विचार करून पारखून खरेदी करताे. खरेदीच्या या दालनांचा व्हर्च्युअल अनुभव आता विविध ॲप्सच्या एका क्लिकवर आला आहे. ऑनलाईन कंपन्यांचा बाजारही सध्याला काेरोना काळात जाेमात आहे. दसरा आणि दिवसाळीनिमित्त आता अनेक कंपन्यांकडून ऑफर्सची खैरातच असते. महागड्या वस्तू, खाद्यपदार्थ, कपडे, ज्वेलरी, गिफ्टस अशा अनेक वस्तूंवर भरघाेसपणे सवलती देत ग्राहकांना आकर्षित केले जाते. सध्याला प्रत्येकांच्या हातात स्मार्टफाेन आहेत. त्यामध्ये विविध ॲप्स, ऑनलाईन कंपन्यांकडून देण्यात येणाऱ्या ऑफरचे नाेटिफिकेशन इनबाॅक्समध्ये राेज येऊन पडत आहेत.

अशी हाेऊ शकते फसवणूक...

१ एखादी वस्तू दहा रुपयांमध्ये खरेदी करताना शंभर ग्रॅम असेल तर एक किलाेसाठी शंभर रुपये किंवा त्यापेक्षा कमी किंमत असायला हवी. मात्र, एमआरपी कायद्यात अशी तरतूद नसल्याने त्याचा गैरफायदा घेत एफएमजीसी क्षेत्रात छाेटे पॅक स्वस्त दाखवून, तर माेठे पॅक महाग विकून अनाकलनीय पद्धतीने लूट केली जाते. १०० ग्रॅम चहाच्या पॅकची किंमत ३५० रुपयांना असावी लागते. मात्र, त्यांची किंमत ४७० रुपये लावली जाते. १२० रुपयांनी महाग असते.

२ विविध ऑनलाईन खरेदीच्या वस्तूची जाहिरात साेशल मीडियातून केली जाते. ऑनस्क्रीन सुंदर आणि आकर्षक असा वस्तूचा फाेटाे दाखविला जाताे. वस्तूची किंमत कमी दाखविलेली असते. ती ऑनलाईन खरेदी केल्यानंतर घरी येते. मात्र, तिची क्वाॅलिटी किती खराब असते, हे काही दिवसांत समाेर येते. ४२५ रुपयांमध्ये आकर्षक वस्तू दाखविला जाताे. प्रत्यक्षामध्ये ताे काही दिवसांमध्ये खराब हाेताे. ताेच बूट जर आपण दुकानातून खरेदी केला तर अवघ्या ५०० रुपयांमध्ये दर्जेदार म्हणून आपल्याला मिळत असताे.

ही घ्या काळजी...

एखाद्या कंपनीची वस्तू खरेदी केली तर त्या कंपनीची ऑनलाईन खरेदीबाबतची माहिती पडताळून पाहावी. त्यामुळे आपली हाेणारी फसवणूक टाळता येईल.

कंपनीची किंवा वेबसाइटची सत्यता पडताळून पाहावी. संबंधित वेबसाइटवर त्याबाबतची काय माहिती देण्यात आली आहे, याचीही माहिती पाहण्याची गरज आहे.

खरेदी झाल्यानंतर आर्थिक तपशील भरताना काळजी घ्यावी. आपल्या बँक खात्याची खरी वेबसाइट लिंक दिली असेल तर त्याचे तपशील भरावेत.

ऑनलाईनपेक्षा कॅश ऑन डिलिव्हरीचा पर्याय उत्तम असून, हा पर्याय निवडावा. परिणामी, यातून खरेदी करताना काही चूक झाली तर आपण दिलेल्या रकमेचा घाेळ हाेणार नाही.