Latest Marathi News

शाहूपुरी : सातारा येथील मध्यवर्ती बसस्थानकातील झुणका भाकर केंद्राचा वाद सोमवारी रात्री उशिरापर्यंत सुरू होता. झुणका भाकर केंद्राला एसटी अधिकाऱ्यांनी लावलेले सील तोडले गेल्याने संबंधितांवर कारवाई व्हावी, ही मागणी करत एसटी अधिकाऱ्यांनी पोलिस मुख्यालयात धाव घेतली. वादग्रस्त झुणका भाकर केंद्रात महिलांनी कोंडून घेतले होते. सोमवारीही या महिला केंद्राची कडी लावून आत बसल्या होत्या.येथील मध्यवर्ती बसस्थानकातील झुणका भाकर केंद्राला न्यायालयाच्या आदेशानंतर लावलेले सील रविवारी दुपारी साडेचारच्या सुमारास तोडल्याचे एसटी महामंडळाच्या अधिकाऱ्यांच्या निदर्शनास आले. काही महिलांनी स्वत:ला आतमध्ये कोंडून घेतले होते. या प्रकारामुळे बसस्थानकातप्रचंड तणाव कायम आहे. बसस्थानकातील झुणका भाकर केंद्राचा वाद गेल्या काही महिन्यांपासून सुरू आहे.एसटी महामंडळाने न्यायालयातधाव घेऊन या झुणका भाकरकेंद्राचा ताबा ९ फेब्रुवारीला घेतला होता. मात्र, ‘आमच्यावर अन्याय झाला आहे,’ असा आरोप करत दलित महिला विकास मंडळाच्या महिलांनी त्याच ठिकाणी बेमुदत आंदोलन सुरू केले होते.सोमवारी या केंद्राच्या बाहेरील बाजूस वडापाव तयार करून तो विकला जात होता. हा प्रकारएसटी महामंडळाच्या वरिष्ठआगार व्यवस्थापक नीलम गिरीयांच्या लक्षात आल्यानंतर त्यांनी जिल्हा पोलिस अधीक्षकसंदीप पाटील यांच्याकडे धावघेतली.रविवारी झुणका भाकर केंद्राच्या बाहेर पोलिस बंदोबस्त ठेवण्यात आला होता. परंतु सोमवार हापोलिस बंदोबस्त हटविण्यात आला. तक्रार करूनही गुन्हा दाखल झाला नसल्याचे स्पष्टीकरण आगार व्यवस्थापक नीलम गिरी यांनीप्रसिद्धी माध्यमांशी बोलताना सांगितले. सोमवारी रात्री उशिरापर्यंत त्या पोलिस अधीक्षक कार्यालयात तळ ठोकून होत्या. याउलटशहर पोलिस ठाण्यात कोणतीही तक्रार दाखल झाली नसल्याची माहिती पोलिसांकडून मिळाली. (प्रतिनिधी)

बोर्डी आणि वाणगाव गटातून अद्याप एकही अर्ज दाखल झालेला नाही. ...

मध्य रेल्वेचा प्रस्ताव : नवीन अर्थसंकल्पात होणार नवीन नातं तयार ...

जयंत पाटील : निर्यात धोरणाअभावी एफआरपी अशक्य ...

कारखानदारांची कोंडी : पंतप्रधानांची भेट हवेतच ...

विरार शहराच्या पश्चिमेकडील प्रभाग क्र. ६ मध्ये गेल्या १० वर्षांत शेकडो नागरी संकुले उभी राहिली. ...

राज्यस्तरीय बेसबॉल स्पर्धा : राष्ट्रीय स्पर्धा गोव्यात- महिला व पुरुष दोन्ही गटांतील अंतिम सामने चुरशीचे झाले ...

तो सिटी हायस्कूलचा माजी विद्यार्थी असून हॉटेल व्यावसायिक आहे ...